“Milani kishte nevojë për trajner, jo menaxher…”, vjen përgjigja e ashpër e Contes ndaj Ibrahimovic

26 Qershor 2024

20:24

Alfred Lleshi

Pak javë më parë, Zlatan Ibrahimovic foli kështu për Antonio Conten gjatë njoftimit të ardhjes së Fonseca si trajner: “Milani kishte nevojë për trajner, jo një menaxher. Ne nuk diskutuam me Conten, sepse, me shumë respekt për atë që është, një trajner i madh, nuk ishte ajo që po kërkonim”.
Trajneri i ri i Napolit më pas donte t’i përgjigjej menaxherit suedez të kuqezinjve gjatë konferencës së tij prezantuese tek “axurrët”: “I respektoj të gjithë, nuk e mbaj mend saktësisht se çfarë tha ai. A më konsideroni mua menaxher? E konsideroj veten trajner, por dua ta them fjalën time dhe në pjesë të tjera. Kjo mund të jetë e bezdisshme”.
Kur u pyet për lamtumirën e mundshme të Kvaratskhelia, gjeorgjianit, Conte reagoi prerë: “Kvara mbetet me ne, nuk ka dyshim, isha kategorik. A jua dhashë lajmin? Jo, e dha presidenti. Ne do t’i lartësojmë karakteristikat e tij, do të mbështetemi tek ai. Do ta rindërtojmë Napolin rreth tij, me Politanon dhe të tjerët që kemi në skuadër”.
Burimi