E kërkojnë të gjitha ekipet “big” në Europë, talenti spanjoll u jep fund thashethemeve

24 Qershor 2024

10:37

Telesport

Pasi shkëlqeu në ndeshjen kundër Italisë në Euro 2024, sulmuesi spanjoll Nico Williams është i detyruar të përballet me zërat këmbëngulës të transferimeve. Janë të shumtë ata që flasin se lojtari do të largohet nga Athletic Bilbao këtë verë.
Lojtari 21-vjeçar ka një kontratë dhe një klauzolë lirimi prej rreth 55 milionë euro, ndërkohë që mjaft skuadra angleze e jo vetëm janë interesuar për të. Megjithatë, kur u pyet për të ardhmen e tij, anësori spanjoll i ka idetë e qarta.
“Sapo nënshkrova një kontratë të re me Athletic Bilbao disa javë më parë. Ndihem shumë mirë sepse jam i lumtur atje. Marrja e të gjitha këtyre pyetjeve për të ardhmen time është e çuditshme. Tani jam fokusuar te Spanja”, tha Nico Williams.
Burimi