Lajmidites.com

Tag: zonja

  • Macron e Zonja e Parë e Francës, në mbrëmjen e veçantë/Spiropali ndan pamjet

    Macron e Zonja e Parë e Francës, në mbrëmjen e veçantë/Spiropali ndan pamjet

    Kryetarja e Kuvendit Elisa Spiropali ka ndarë në rrjetet sociale pamje nga darka e mbajtur dje në Pallatin e Brigadave, ku të pranishëm ishin edhe presidenti francez Emmanuel Macron dhe Zonja e Parë, Brigitte Macron.
    Spiroapli e ka quajtur atë një mbrëmje të veçantë, ndërsa pjesë e darkës duhet se ka qenë veç kryeministrit dhe bashkëshortes së tij Linda Rama, edhe personalitete të shquara nga politika, kultura dhe jeta publike.
    ‘Një mbrëmje e veçantë në praninë e Presidentit të Francës Emmanuel Macron, Zonjës së Parë Brigitte Macron, Kryeministrit Edi Rama dhe Zonjës Linda Rama, si dhe personaliteteve të shquara nga politika, kultura dhe jeta publike’, shkruan kryeparlamentarja.

  • Nënë e dy fëmijëve, gjendet pas 63 vitesh gruaja e zhdukur

    Nënë e dy fëmijëve, gjendet pas 63 vitesh gruaja e zhdukur

    Një grua e humbur prej gati 63 vitesh është gjetur e gjallë dhe mirë, pasi rishikohej rasti i zhdukjes së saj, njoftuan autoritetet në shtetin amerikan të Wisconsin-it.
    Audrey Backeberg ishte 20 vjeçe kur humbi nga shtëpia e saj në qytetin e vogël Reedsburg më 7 korrik 1962.
    Në një deklaratë, Sherifi i Qarkut Sauk, Chip Meister, tha se zhdukja e zonjës Backeberg “ishte një zgjedhje e saj dhe nuk ishte rezultat i ndonjë aktiviteti kriminal ose lojëra të dëmshme.”

    Sherifi shtoi se ajo jetonte jashtë Wisconsin-it, por nuk dha më shumë detaje.
    Sipas grupit jo-fitimprurës Wisconsin Missing Persons Advocacy, zonja Backeberg ishte martuar dhe kishte dy fëmijë kur humbi. Ky grup theksoi se disa ditë para zhdukjes, ajo kishte ngritur një padi penale kundër burrit të saj, me të cilin ishte martuar në moshën 15 vjeçare, duke akuzuar se ai e kishte rrahur dhe kërcënuar me vdekje.
    Në ditën kur ajo humbi, ajo kishte dalë nga shtëpia për të marrë pagesën e saj nga fabrika e leshit ku punonte.
    Babysitter-i 14-vjeçar i çiftit tha se ajo dhe zonja Backeberg kishin hipur në një automjet për të shkuar në Madison, kryeqytetin e Wisconsin-it, dhe nga aty kishin marrë një autobus për në Indianapolis, Indiana, rreth 300 milje (480 km) larg. Babysitter-i u bë nervoz dhe donte të kthehej në shtëpi, por zonja Backeberg refuzoi dhe u pa për herë të fundit duke ecur nga stacioni i autobuzëve.
    Zyra e Sherifit të Qarkut Sauk tha se hetuesit ndoqën disa pista, por rasti kishte mbetur pa zhvillim deri sa u bë një rishikim i plotë i dosjeve të vjetra të rastit më herët këtë vit.
    Detektivi që e zgjidhi rastin, Isaac Hanson, tha për një stacion lokal lajmesh, WISN, se një llogari online e gjenealogjisë e motrës së zonjës Backeberg ishte kyçe në gjetjen e gruas së humbur.
    Detektivi Hanson tha se kontaktoi sherifët lokalë të zonës ku ajo jeton tani dhe foli me të për 45 minuta në telefon.
    “Ajo mendoj se ishte larguar dhe thjesht kishte vazhduar jetën e saj, duke bërë gjërat sipas dëshirës së saj dhe duke jetuar jetën e saj,” tha ai. “Ajo tingëllonte e lumtur, e sigurt në vendimin e saj dhe pa asnjë pendesë.”
    /vizionplus.tv

  • PIRANJAT/ PS-PD, flasin dy zonja Tirone

    PIRANJAT/ PS-PD, flasin dy zonja Tirone

    Në një intervistë dyshe dhe ndryshe për Piranjat, kandidatet për deputete në zgjedhjet e 11 majit, Adriana Kalaja nga koalicioni për Shqipërinë Madhështore, PD-ASHM dhe Blerina Gjylameti nga PS, i janë përgjigjur një sërë pyetjesh të njëjta. 

    Për më shumë, ndiqni intervistën: 

  • Deklarata e Berishës në PPE: “Do të përmbysim diktaturën e narkoshtetit të parë në Europë”Sali BERISHA

    Deklarata e Berishës në PPE: “Do të përmbysim diktaturën e narkoshtetit të parë në Europë”Sali BERISHA

    Deklarata e Berishës në PPE: “Do të përmbysim diktaturën e narkoshtetit të parë në Europë”Sali BERISHA

    Z. President Weber, zonja dhe zotërinj, së pari dëshiroj të falënderoj ju, z. President, dhe presidentët e EPP për mbështetjen që i kanë dhënë Partisë Demokratike të Shqipërisë me një rezolutë shumë të vlefshme në mbështetje të kauzave të saj të drejta. Por dua të shfrytëzoj rastin të falënderoj gjithashtu presidentin e IDU, Stefan Harper, dhe presidentin e CDI, Andres Pastrana, për të njëjtën mbështetje që kanë treguar ndaj Partisë Demokratike dhe kauzave të saj.

    Dua të falënderoj gjithashtu miqtë nga CDU, Elmar Brok, Peter Beyer, Doris Pack, miqtë nga Forza Italia në Itali, Battilocchio, Erika Mazzetti, etj., të cilët kanë qenë pranë nesh në disa ditë të vështira.

    Zonja dhe zotërinj, Shqipëria sot është shteti i parë dhe i vetëm narkoshtet në Europë, ku gjithë pushtetet janë në dorën e një njeriu të vetëm. Siç kanë vërejtur edhe vëzhguesit ndërkombëtarë, përmes një industrie mafioze të blerjes së votës dhe një makinerie masive intimidimi, ai ka vënë nën kontroll të plotë vullnetin e qytetarëve dhe ka kthyer zgjedhjet në një fasadë.

    Kryeministri, i cili shfaqet në samite ndërkombëtare me atlete të bardha dhe kryen plaçkitje, sillet në vend si një diktator i mirëfilltë. Ai kontrollon të gjithë ekonominë. Kontrollon të gjithë median. Në fund, ai bllokoi TikTok-un, duke e bërë vendin të duket njësoj me Kabulin dhe Teheranin.

    Si Zayed i Tunizisë, në vit elektoral, ai zgjodhi të arrestojë tre liderë të partive kryesore të opozitës, vetëm sepse ishin kundërshtarë politikë – dhe pa asnjë, asnjë, asnjë provë kriminale. Ai u mori mandatin drejtuesve të opozitës. U mori mandatin kryetarëve të bashkive të opozitës, siç është rasti i Fredi Belerit, i cili sot është eurodeputet, sepse arsyeja e vetme ishte që Beleri nuk pranoi t’i jepte tokën që nuk i përket familjes Rama.

    Zonja dhe zotërinj, përveç kësaj, diktatori tiranik, narkodiktatori, ka korruptuar shefin e kundërzbulimit të FBI-së, Charles McGonigal, që të punonte kundër opozitës shqiptare. I dha atij 225,000 dollarë, por ju siguroj që nuk ishte i vetmi që u ble kundër opozitës. Dokumente, mijëra dokumente nga vende partnere, provojnë sot se shteti dhe krimi janë një sipërmarrje e përbashkët në vendin tim.

    Në zyrën e kryeministrit, ka një këshilltar me detyrë të koordinojë punën e organizatave kriminale – nga kartelat e Sinaloas në Meksikë, që tani drejtohen nga vëllezër shqiptarë, te bandat brenda vendit.

    Sipas Eurostat, nga viti 2014 deri në 2023, 1,099,000 shqiptarë kanë emigruar në zonën Shengen. Si pasojë, sipas OKB-së, Shqipëria ka sot indeksin më të ulët të lindshmërisë në botë. Përveç kësaj, vendi është një nga eksportuesit kryesorë të krimit në Europë.

    Më 11 maj do të mbahen zgjedhjet e përgjithshme parlamentare. Në këto zgjedhje, përveç të gjitha atyre që përmenda më sipër, ai ka bllokuar debatet televizive, ka shpërndarë 100 euro si dhuratë për vota për 800,000 pensionistë, dhe ka dhënë 100 licenca për kultivim kanabisi me moton “Kanabis për Vota”. Ai e ka kthyer narkoshtetin e tij në një makineri zgjedhore.

    Por, në një diktaturë, e vetmja mundësi është të mos dorëzohesh, por të luftosh për ta përmbysur atë. Me ndihmën tuaj, miq të dashur, ju siguroj se Partia Demokratike e Shqipërisë, e cila përmbysi 32 vite më parë diktaturën më staliniste në Europë, do të përmbysë edhe diktaturën e parë dhe të vetme narkotike në Europë, atë të Edi Ramës.

  • Fali dy herë tradhtinë e ish-gruas: Herën e parë më erdhën mesazhet, tjetrën e zbulova për Shën Valentin

    Fali dy herë tradhtinë e ish-gruas: Herën e parë më erdhën mesazhet, tjetrën e zbulova për Shën Valentin

    Lefteri ndodhet në një konflikt me djalin, Nderimin pasi ka një dhimbje të madhe si gjysh. Prej thuajse 4 vitesh, Lefteri nuk sheh nipin pas divorcit të të birit nga ish-gruaja. Ai e ka sjellë në “Shihemi në Gjyq” për të zgjidhur problematikën mes tyre ose do ta nxjerrë nga shtëpia.

    Nga ana tjetër, Nderimi tregon në rubrikën e së “Dielës Shqiptare” në Tv Klan se divorci s’ka qenë i lehtë. Ai rrëfen se arsyeja ka qenë tradhtia e ish-bashkëshortes, duke ndarë edhe detajet.

    Lefter: Ky vazhdimisht më ka sjellë shqetësime.

    Nderim: More zotëri! Mirë problemi që kam me djalin, të kem probleme edhe me ty tani, të më nxjerrësh nga shtëpia?

    Lefter: Po.

    Nderim: Arsyeja? Pse po më përzë ti mua nga shtëpia?

    Lefter: Si mos të të përzë unë ty nga shtëpia, dëgjon ti, kur ti dhe unë kemi 4 vjet pa e takuar atë nip? Pse nuk e zgjidh problemin atje ku duhet zgjidhur?

    Nderim: Ti i di shumë mirë arsyet pse nuk po i zgjidhim dot!

    Lefter: Pse më shqetëson mua me problemet e tua? Për moshën që kam, unë dua qetësi familjare. Ti ma shqetëson familjen! O zgjidh problemet e tua, ose me mua…

    Nderim: Problemi im është që unë vij nga dy martesa. Nga martesa e parë kam dy fëmijë, kam një djalë nga martesa e parë dhe nga e dyta. Problemin e kam me martesën e parë, me djalin. Jemi ndarë si të gjithë shqiptarët e tjerë…

    Lefter: Ore! Një minutë se jam unë këtu përpara pastaj fol ti! Të flas unë njëherë pastaj fol ti! Atë djalë, kush nga këta do të rrinte të mos takonte nipin e tij? 4 vjet e gjysmë!

    Nderim: Ai djalë, sa më dhemb mua, nuk i dhemb askujt për atë djalë!

    Eni Çobani: Po mirë të dhemb, por pse u divorcove njëherë se babai këtë problem e ka. Qëndrove sa vite në martesë?

    Nderim: 12 vite.

    Eni Çobani: Nuk janë pak 12 vite, janë shumë.

    Nderim: 12 vite kemi qenë bashkë, në 12 vite ka pasur tradhtia nga zonja, Merushe Korançe. Nuk ka qenë vetëm tradhtia midis nesh, ka qenë edhe fshehja e pasurisë dhe disa gjëra të tjera, vjedhje e shumë arsye të tjera. Për këtë arsye unë kam arritur në divorc.

    Eni Çobani: Po mirë, babait ia ke thënë këto, i ka ditur babai këto se tradhtia, vjedhja, të gjitha këto janë shumë të rënda? Sepse babai e ka pikë këtë që je ndarë, pse je ndarë?

    Nderim: Këtë e kam mësuar pasi 4 vjet që kishim martesë, ka qenë djali 4 vjeç. Mua më kanë ardhur disa foto të zonjës nga një person tjetër që zonja kishte lidhje me një person tjetër, për këtë arsye.

    Eni Çobani: I ke ditur këto, Lefter? Ke jetuar me djalin?

    Nderim: Në atë kohë kam qenë në kurbet, kam qenë në Greqi. Kur më kanë ardhur fotot, kam ardhur për 24 orë.

    Eni Çobani: Fotografitë kur vinin, kur ishe në Greqi apo në Pogradec?

    Nderim: Kur kam qenë në Greqi.

    Eni Çobani: Pra zonja vazhdonte, kishte një lidhje tjetër?

    Nderim: Po. Për 24 orë kam ardhur nga Greqia, kam ardhur aty.

    Eni Çobani: Po e gjete?

    Nderim: Kemi vajtur në polici, kemi bërë një denoncim në rajonin e policisë së Pogradecit, zonja i ka pranuar të gjitha që kam folur me këtë person, i kam dërguar edhe fotot.

    Eni Çobani: Pse e çove në polici, për fotografitë e çove në polici?

    Nderim: Kam bërë denoncimin sepse zonja nuk e pranonte këtë fakt. Kemi vajtur në rajon të policisë, zonja e ka pranuar atje.

    Pavarësisht kësaj, për hir të fëmijës dhe familjes, Nderimi thotë se vendosi ta falte ish-gruan. Më vonë, ngjarja u përsërit dhe ai zbuloi tradhtinë e dytë në ditën e Shën Valentinit, këtë herë me dikë tjetër.

    Nderim: Herën e parë e kam falur dhe herën e dytë kam shkuar në divorc. E kam marrë, e kam çuar atje, kam biseduar me prindërit, prindërit më kanë thënë e duam djalin në shtëpi. Për hatër të prindërve, e kam falur, kemi marrë djalin, kemi shkuar në shtëpi.

    Eni Çobani: Herën e parë?

    Nderim: Herën e parë, po. Pastaj si të gjithë emigrantët e tjerë, kam shkuar për të siguruar të ardhmen për të rritur atë fëmijë, kam shkuar në Greqi, kam qenë 3 vitet e fundit në Greqi pa ardhur fare në Shqipëri. Zonjën e kam marrë shumë herë me vete në Greqi. Zonja vinte vetëm 5-6 ditë, o djali sëmurë, o do të gjente diçka për të ardhur në Shqipëri. Për festat e Vitit të Ri, vij edhe unë në Shqipëri. Thashë do të rri një muaj e do të iki prapë në Greqi. Vij këtu, nisem për në Greqi, më kap policia me ca dokumente, kthehem për në Shqipëri. Në Shqipëri, ka qenë data 14 shkurt. Ne bëheshim gati për të dalë, për të festuar, kap tabletin e djalit dhe brenda në tablet shikoj disa mesazhe që zonja fliste me dikë tjetër.

    Eni Çobani: Jo me atë të parin?

    Nderim: Jo me atë të parin, ishte dikush tjetër.

    Nderimi thotë se kjo shënoi pikën kur vendosi që ta ndërpriste këtë martesë. Ai e dërgoi ish-gruan te prindërit e saj, bashkë me djalin dhe janë divorcuar.

  • “‘Çfarë të ka bërë kjo e moshuar,Belinda?”,Shehaj denoncon:Shiko veten në pasqyrë si një miliardere,ti i mbyll biznesin

    “‘Çfarë të ka bërë kjo e moshuar,Belinda?”,Shehaj denoncon:Shiko veten në pasqyrë si një miliardere,ti i mbyll biznesin

    Kreu i Partisë Mundësia, Agron Shehaj, ka vizituar sot qytetin e Vlorës, teksa në rrugë është ndalur nga një zonjë që i tregoi se si shteti ia kishte mbyllur biznesin e mbushjes së bombolave të gazit padrejtësisht 1 vit më parë, duke bërë që djali i vetëm të largohej në emigrim.
     
    Me lot në sy, ajo i kërkoi Shehajt të vizitonte shtëpinë e saj, teksa ai u tregua i gatshëm dhe të dy u nisën drejt banesës, ku ishte edhe biznesi me të cilin zonja dhe familja e saj ushqeheshin prej 15 vitesh.

    “Punoja deri në 1 të natës me djalin, rrugëve. Shkonte derë më derë, ua montonte, punonte me mamanë nga Pylli i Sodës dhe gjithë periferinë”, tregon zonja.
    Gjatë vizitës në banesën dhe biznesin e zonjës, Shehaj i drejtoi edhe një pyetje ministres Belinda Balluku, inspektorët e të cilës i mbyllën biznesin familjar zonjës nga Vlora.
    “Edhe ata që duan t’ia dalin vetë, dhe nuk presin që shteti t’i mbajë me bukë, vijnë dhe u mbyllin biznesin. Tani unë kam një pyetje për ministren Balluku. Çfarë të ka bërë zonja, që dërgove inspektorët për t’i mbyllur biznesin. Çfarë dreqin të ka bërë? Shikoje zonjën, dhe shiko veten në pasqyrë. Po të shikosh veten tënde, dukesh si një miliardere, jo milionere. Zonja do t’ia dali me punë të ndershme, dhe ti erdhe i mbylle biznesin. I largove djalin nga shtëpia, iku në Itali, dhe me lot në sy më tha “më larguan djalin nga shtëpia, dua djalin këtu. Jepi një përgjigje. Duan të punojnë, pse nuk i lini të punojnë”, thotë Shehaj.
    Kreu i Mundësisë i premtoi zonjës se do të bëjë gjithçka që djali i saj dhe gjithë djemtë e tjerë të larguar të kenë mundësi të kthehen në Shqipëri dhe t’ia dalin me punë të ndershme.

     
     
     
     

  • Shuhet ikona e kinematografisë shqiptare Margarita Xhepa

    Shuhet ikona e kinematografisë shqiptare Margarita Xhepa

    Shuhet ikona e kinematografisë shqiptare Margarita Xhepa

    Një lajm i trishtë ka ardhur nga bota e artit këtë të enjte, teksa aktorja e njohur shqiptare Margarita Xhepa është ndarë nga jeta, një ditë pasi ka festuar ditëlindjen e 93,.

    Margarita Xhepa kohët e fundit ka qenë në gjendje të rënduar shëndetësore nga mushkëritë. Ajo ka ndërruar jetë në një spital privat.

    Aktorja u lind më 2 prill të vitit 1934, në qytetin e Lushnjës, prej ku nisi edhe hapat e parë drejt karrierës së saj.

    Karriera

    Nga viti 1950 u aktivizua si artiste probiste në Teatrin Popullor (sot Teatri Kombëtar) dhe njëkohësisht studioi në Liceun Artistik, dega e Dramës.

    Ka krijuar mbi 150 role në teatër, midis të cilëve mund të përmendim: Majlindën tek filmi “Majlinda” (Xh. Broja), Dafina tek Lumi i vdekur (dramatizim nga K. Velça i romanit me të njëjtin titull të Jakov Xoxës), Filja tek Cuca e maleve (Loni Papa), Zonja Mëmë tek Kush e solli Doruntinën (dramatizim nga Edmond Budina e Pirro Mani i romanit me të njëjtin titull të Ismail Kadaresë), Nëna tek Përballë vetes (Ruzhdi Pulaha) etj.

    Ka qënë njësoj e suksesshme në rolet e dramaturgjisë botërore, si Ofelia tek Hamleti, vajza e dytë tek Mbreti Lir, dado tek Romeo e Xhulieta, Mbretëresha Margaret tek Rikardi III, të Shekspirit.

    Në rolet e tjera nga dramaturgjia botërore spikasin Klea tek Dhelpra dhe rrushtë (Figereido), Lena tek Xhaxha Vanja (Çehov), Ledi Milford tek Luiza Miler (Shiler), Zonja Berling tek Vizita e inspektorit (Pristli), Zonja Lomen tek Vdekja e një komisioneri (A. Miller), Ana Andrejevna tek Revizori (Gogol), Marsela tek Qeni i kopshtarit (De Vega), Mashenka tek Mashenka (Afigenov), Shejla tek Morali i zonjës Dulska (Zapolska), apo Dado tek Elektra e Sofokliut, nën drejtimin e regjisorit grek Dhimitri Mavriqis, në Teatrin Kombëtar të Greqisë në Athinë.

    Veç roleve në teatër, ka realizuar edhe 32 role në kinematografi, duke punuar me shumicën e regjisorëve shqiptarë. Me K. Dhamon xhiron Vitet e para dhe Gjurmët, me I. Muçajn e K. Mitron Dimri i fundit, Tokë e përgjakur, Një djalë edhe një vajzë dhe Apasionata, me Viktor Gjikën, Gjeneral gramafoni, me E. Musliun,Rrethi i kujtesës dhe Vitet e pritjes (E. Musliu), me Kujtim Çashkun, Dora e ngrohtë, me Dhimitër Anagnostin, Gurët e shtëpisë sime, me P. Milkanin, Pranvera s’erdhi vetëm, me S. Kumbaron, Koncert në vitin 1936, me Gj. Xhuvanian E diela e fundit dhe I dashur armik.

    Në vitin 1997, interpretoi në filmin grek “Mirupafshim” (regjisor J. Koras, K. Vupuras). Filmi u laureua me Çmimin e Madh në Festivalin Ndërkombëtar të Filmit Mesdhetar në Selanik, ndërsa Margarita Xhepa, Çmimin e Nderit.

  • Dje kishte ditëlindjen, sot ndërroi jetë. Kush ishte Margarita Xhepa (Profil)

    Dje kishte ditëlindjen, sot ndërroi jetë. Kush ishte Margarita Xhepa (Profil)

    Është ndarë nga jeta në moshën 91- vjeçare, ikona e kinematografisë shqiptare Margarita Xhepa.
    Aktorja ka festuar ditën e djeshme ditëlindjen.
    Aktorja u lind më 2 prill të vitit 1934, në qytetin e Lushnjës, prej ku nisi edhe hapat e parë drejt karrierës së saj.
    Margarita Xhepa, ishte një nga Zonjat e Mëdha të teatrit dhe filmit shqiptar që ka skalitur memorien e publikut shqiptar me role brilante që prej fillimit të saj, në vitet ’60-të dhe deri më tani. Në maj të vitit 2004, u rikthye në skenën e Teatrit Kombëtar për të shkëlqyer në dramën “Streha e të harruarve”, një tjetër sukses në karrierën e saj 50-vjecare.
    Nga viti 1950 u aktivizua si artiste probiste në Teatrin Popullor (sot Teatri Kombëtar) dhe njëkohësisht studioi në Liceun Artistik, dega e Dramës.
    Ka krijuar mbi 150 role në teatër, midis të cilëve mund të përmendim: Majlindën tek filmi “Majlinda” (Xh. Broja), Dafina tek Lumi i vdekur (dramatizim nga K. Velça i romanit me të njëjtin titull të Jakov Xoxës), Filja tek Cuca e maleve (Loni Papa), Zonja Mëmë tek Kush e solli Doruntinën (dramatizim nga Edmond Budina e Pirro Mani i romanit me të njëjtin titull të Ismail Kadaresë), Nëna tek Përballë vetes (Ruzhdi Pulaha) etj. Roli i saj i fundit ishte në filmin italian “Bubbles” nga Meri Dishnica.
    Ka qënë njësoj e suksesshme në rolet e dramaturgjisë botërore, si Ofelia tek Hamleti, vajza e dytë tek Mbreti Lir, dado tek Romeo e Xhulieta, Mbretëresha Margaret tek Rikardi III, të Shekspirit.
    Në rolet e tjera nga dramaturgjia botërore spikasin Klea tek Dhelpra dhe rrushtë (Figereido), Lena tek Xhaxha Vanja (Çehov), Ledi Milford tek Luiza Miler (Shiler), Zonja Berling tek Vizita e inspektorit (Pristli), Zonja Lomen tek Vdekja e një komisioneri (A. Miller), Ana Andrejevna tek Revizori (Gogol), Marsela tek Qeni i kopshtarit (De Vega), Mashenka tek Mashenka (Afigenov), Shejla tek Morali i zonjës Dulska (Zapolska), apo Dado tek Elektra e Sofokliut, nën drejtimin e regjisorit grek Dhimitri Mavriqis, në Teatrin Kombëtar të Greqisë në Athinë.
    Veç roleve në teatër, ka realizuar edhe 32 role në kinematografi, duke punuar me shumicën e regjisorëve shqiptarë. Me K. Dhamon xhiron Vitet e para dhe Gjurmët, me I. Muçajn e K. Mitron Dimri i fundit, Tokë e përgjakur, Një djalë edhe një vajzë dhe Apasionata, me Viktor Gjikën, Gjeneral gramafoni, me E. Musliun,Rrethi i kujtesës dhe Vitet e pritjes (E. Musliu), me Kujtim Çashkun, Dora e ngrohtë, me Dhimitër Anagnostin, Gurët e shtëpisë sime, me P. Milkanin, Pranvera s’erdhi vetëm, me S. Kumbaron, Koncert në vitin 1936, me Gj. Xhuvanian E diela e fundit dhe I dashur armik.
    Në vitin 1997, interpretoi në filmin grek “Mirupafshim” (regjisor J. Koras, K. Vupuras). Filmi u laureua me Çmimin e Madh në Festivalin Ndërkombëtar të Filmit Mesdhetar në Selanik, ndërsa Margarita Xhepa, Çmimin e Nderit.
    1. Bolero në vilën e pleqve – (2021) Firdus
    2. Në kërkim të kujt (2011), serial
    3. Tingulli i heshtjes (2010) telenovela
    4. Kronikë provinciale (2009)
    5. Ne dhe Lenini (2008) – Beti
    6. I dashur armik (2004) – Nëna e Harunit
    7. Mirupafshim (1997)
    8. E diela e fundit (1993)
    9. Një djalë edhe një vajzë (1990) – Mësuese Kristina
    10. Vitet e pritjes (1990) – Nëna e Helenës
    11. Kush e solli Doruntinën (1989) Nëna e Kostandinit dhe Doruntinës
    12. Pesha e kohës (1988) – Gruaja e Kryetarit
    13. Pranvera s’erdhi vetëm (1988) Nëna e Irenës
    14. Misioni përtej detit (1988) – Kristulla
    15. Rrethi i kujtesës (1987) – Tefta
    16. Fillim i vështirë (1986) Shoqja e Zanës
    17. Gabimi (1986) – Mësuesja
    18. Gurët e shtëpisë sime (1985) – Gruaja e Fane Mërtirit
    19. Militanti (1984) – Nëna e Visar Shundos
    20. Apasionata (1983) – Nëna e Arturit
    21. Dora e ngrohtë (1983) – Nëna e Besimit
    22. Shokët (1982) – Nëna e Gencit
    23. Dita e parë e emërimit (1981) – Drita
    24. Me hapin e shokëve (1979) (TV) – Mamaja e Gonit
    25. Dollia e dasmës sime (1978) – Nëna e Belës
    26. Gjeneral gramafoni (1978) – Zonja e Prefektit
    27. Koncert në vitin 1936 (1978) – Eleni Jankollari
    28. Dimri i fundit (1976) – Shano
    29. Pylli i lirisë (1976) – Nënë Katja
    30. Tokë e përgjakur (1976) – Sandra
    31. Gjurma (1970) – Violeta
    32. Vitet e para (1966) – Zyraka

  • Basha në shtëpinë e dy pensionistëve: S’mund të pranojmë që pleqëria të jetë mallkim në Shqipëri. Programi për…

    Basha në shtëpinë e dy pensionistëve: S’mund të pranojmë që pleqëria të jetë mallkim në Shqipëri. Programi për…

    Drejtuesi politik i Koalicionit Euroatlantik, Lulzim Basha, ishte për një vzitë në shtëpinë e pensionistëve Islam dhe Bahtjare Deliu, për të diskutuar problemet që përballen sot kjo kategori e shoqërisë.
    Zonja Deliu gjatë bisedës me Bashën tha se ndonëse kanë punuar secili 42 vite në punë shteti, pensionet e tyre shkojnë 530 mijë lekë. Sipas saj, këto lekë nuk dalin as për ilaçe, pasi vetëm për to fatura në muaj shkon 550 mijë lekë. Zonja Deliu më tej tha se po të mos kishin kursimet, me pensionet nuk ia dalin dot, pa shtuar këtu edhe fatura e energjisë që në miaj shkon në 130 mijë lekë.
    Pasi dëgjoi shqetësimet e dy pensionistëve, Basha foli për programin e Koalicionit Euroatlantik që do t’u vijë në ndihmë të moshuarve shqiptarë. Ai tha se programi i prezantuar më 1 qershiorn të vitit të kaluar, tregon se nuk janë premtime elektorale, por plan i mirëstudiuar. Sipas tij, për pensionistët parashikohet që pensoni mesatar të jetë 450 mijë lekë, ndërsa ai minimali 250 mijë lekë.
    Basha tha se çdokush që do të ketë pension nën 300 mijë lekë do të ketë kompensim të iaçeve dhe energjisë elektrike. Ai tha se për ta realizuar këtë duhet që në buxhetin e parë të merren parasysh edhe ato lekë që sot vidhen nga kryeministri dhe shokët e tij që një pjesë e tyre i ka tek 313-ta.
    Pjesë nga biseda:
    Zonja Deliu: Nuk më beson njëri. 400 mijë lekë blej ilaçe unë për këtë.
    Basha: 400 mijë lekë!
    Zonja Deliu: 400 mijë në muaj. Ka punuar ky gjithë jetën 42 vjet, ka qenë drejtor në kohën e Enverit, kryetar dege, 18 vite në ministri, e di sa i doli pensioni? 214 mijë lekë.
    Basha: 214 mijë lekë pas 42 vitesh punë?
    Zonja Deliu: Pas 42 vitesh punë. Kurse mua pas 42 vitesh meqenëse kam dalë 8 vite pas këtij, dìmë doli 314.
    Basha: Ty sa të shkojnë ilaçet, vetëm të tuat?
    Zonja Deliu: Shkojnë tek 150 mijë lekëshi.
    Basha: E sa rimbursohen nga ato?
    Zonja Deliu: Asgjë.
    Basha: 150 ti, 400 mijë zotnia, gjithë pensioni shkon ilaçe.
    Zonja Deliu: Gjithë pensioni shkon ilaçe. Domethënë neve kemi ngrënë se nuk besojnë ato, vetëm çfarë kmi pasur rezerva.
    Lulzim Basha: Po fatura e energjisë sa të shkon muaj për muaj?
    Zonja Deliu: Mos pyet!
    Basha: Sa?
    Zonja Deliu: Nja 125 mijë, 130 mijë.
    Basha: Kjo do një zgjidhje të plotë. Zgjidhja e plotë nuk bëhet siç dalin këta sa herë vijnë zgjedhjet e ia fusin loj kungulleshkash, njëri thotë këtë tjetri thotë këtë. Pse? Sepse këta nuk kanë plan të plotë për vendin Pa u zhvilluar ekonomia, as pensionet nuk i rrit dot.
    Zonja Deliu: Nuk rriten, ka informalitet të paparë, kam punuar 18 vite te tatimet është turp.
    Basha: Padiskutim. Edhe rritja e taksave ia ka zënë frymën ekonomisë. Prandaj plani jonë është i plotë, nuk thua dot do bëjë këtë për pensionistët, atë për këtë, atë për këtë, domethënë secilit i premton atë që do, ku do dalin lekët, ku do i marësh ato lekë?
    Zonja Deliu: Oligarkëve do tua japi ai, ia heq taksat, ‘në rregull jemi neve’
    Basha: Kështu që rruga e vetme për ta trajtuar këtë punë është me një plan realist, prandaj ne e kemi shpall më 1 qershor vjet, që ta debatonin me njerëzit. Se të shpallësh premtime 30 ditë para ditës së votimit është t’i bësh prit qytetarëve. E dimë ne si dalin ato premtime, premtoi 300 mijë vende pune, hoqi 1 milion shqiptartë, premtoi shëndetësi falas, shiko faturat e ilaçeve 500 mijë lekë në muaj për ju të dy, e kështu me radhë. Kështu që ruga e vetme opër ta trajtuar këtë problem, është në radhë të parë ta njohës në detaje shumë përpara, jo kur vjen dita e zgjedhjeve dhe e dyta t’i japësh një zgjidhje integrale. Cila është zgjidhja integrale për ne? Pensioni mesatar 450 mijë, pensioni minimal 250 mijë. Cdokush që e ka pensionin nën 300 mijë lekë, kompensim fiks për ilaçet dhe energjinë elektrike. Kjo është zgjidhja me anë të së cilës ne i dalim përballë një cunami verfërie dhe lënien pas dore në raport me moshën e tretë. Që të bëhet kjo duhet që buxheti i parë i qeverisë së ardhshme të mari parasysh dhe ato fonde që sot vidhen dhe shpërdorohen nga shokët e kryeministrit, prandaj i ka ku i ka, ato fonde të ridestinohen për prioritetet. Prioritetet janë zhvillimi i ekonomisë dhe mbështetja e shtresave në nevojë. Nuk ka shtresë më në nevojë se pensionistët shqiptarë. Nuk japim dot luks, pra me këto bëhet fjalë që të sigurosh një ekzistencë minimale të pensionistëve shqiptarë.

  • Berisha: Gratë e PPE mbështetën PD-në në ditët më të vështira! Kjo narkodiktaturë u bekua me heshtje edhe nga BE

    Berisha: Gratë e PPE mbështetën PD-në në ditët më të vështira! Kjo narkodiktaturë u bekua me heshtje edhe nga BE

    Berisha: Gratë e PPE mbështetën PD-në në ditët më të vështira! Kjo narkodiktaturë u bekua me heshtje edhe nga BE

    Krryetari i Partisë Demokratike, Sali Berisha, gjatë fjalës së tij në konferencën ndërkombëtare me temë ‘Fuqia e Grave në Politikë’, ka falënderuar dhe vlerësuar mbështetjen e grave të PPE-së ndaj PD-së në ditët më të vështira të saj, kur partia kaloi një proces të vështirë dhe të padrejtë nën regjimin aktual.

    Ai theksoi se PD ka pasur një mbështetje të fuqishme nga gratë, veçanërisht nga presidente e PPE-së, zonja Doris Pack, si dhe nga të pranishme të tjera të cilat kanë luajtur një rol të rëndësishëm në betejën kundër regjimit të ashtuquajtur “narkodiktaturë”.

    Berisha vazhdoi duke shpjeguar se Shqipëria aktualisht është nën një sistem të quajtur “narkoshtet”, një nga format më të shëmtuara të diktaturave, të cilat përjetohen nga populli shqiptar dhe që ende nuk janë pranuar plotësisht, ndonëse janë analizuar gjerësisht.

    “E nderuar zonja presidente Biro, e dashur Albana, e nderuar zonja Maria Gabriel, zonja Doris Pack, mike e vjetre e PD dhe e Shqipërisë, zoti Thomas Kunz, të nderuara zonja të ardhura nga vende të tjera dhe nga Brukseli, zonja të pranishme në këtë sallë, anëtare të LDG në Shqipëri.

    Është një nder i madh që na keni bërë zonja presidente me praninë tuaj dhe unë u jam shumë mirënjohës.

    Por unë kam një mirënjohje ët veçantë për të gjitha ju sepse në një proces kafkian që pësoi PD, në të vetmen narkodiktaturë të instaluar në Europë, presidenca e gruas së PPE, presidentja e nderit zonja Doris Pack dhe ju zonja të nderuara, keni dhënë mbështetjen tuaj për PD-në, për gruan demokratike, që luajti dhe luan një rol të jashtëzakonshëm në betejën kundër këtij regjimi, të cilin Europa nuk e ka njohur në historinë e vet.

    Është narkoshteti i parë që instalohet në Europë.

    Në rast se 20 vite më parë lexova se narkodiktaturat janë forma më e shëmtuar e diktaturave, shkruante Samuel Hungtington, asokohe duke ardhur nga një diktaturë staliniste, siç ishte Shqipëria, nuk u binda shumë.

    Por kur përjetoj këtu këtë realitet, ajo është një e vërtetë e madhe.

    Kjo narkodiktaturë ka pasur probleme të shumanshme.

    Së pari, ndonëse shkruhet gjerësisht dhe është analizuar gjerësisht, përsëri edhe lehtë nuk pranohet.

    Nuk pranohet sepse ndërtimi i kësaj narkodiktature u mbështet nga administrata e shkuar e SHBA, por në njëfarë mënyrë u bekua me heshtje edhe nga BE.

    Dhe kjo bëri që narkodiktatori i këtij vendi të shëtisë në Europë dhe botë me atlete të bardha, të hiqet si piktor apo sportist, në një kohë kur ai ishte personi që arrestonte tre liderë të opozitës në projektin e tij Shqipëria pa opozitë.

    Dhe jo vetëm i arrestonte ata tre liderë, por njërin prej tyre e brutalizonte në mënyrën më të dhunshme nën kamera, duke e filmuar, vetëm për të shfryrë hakmarrjen e tij ndaj kundërshtarit dhe për të terrorizuar popullatën.

    Ju jeni këtu në një vend që po të shihni, ka plot media, por problemi i tyre është se ato të gjitha, përveç një ose dy, kanë një kontroll rigoroz nga zyra e narkodiktatorit.

    Shqipëria ka një prokurori, e cila lavdërohet në mënyrë të paimagjinueshme gjerësisht.

    Por kjo prokurori speciale është një prokurori, e cila nuk prek asnjë aferë që shkon tek narkodiktatori.

    Ndërkohë që arreston, burgos, pa prova, vetëm si persona nën hetim liderët e tre partive kryesore opozitare, merr mandate deputetësh, merr mandate të zgjedhurish vendorë nga opozita.

    Sot kemi deputetë në burg, kemi të tjerë drejtues në arrest shtëpie”, u shpreh Berisha.

  • Berisha kritika për Bashkimin Europian: Bekoi në heshtje narkodiktaturën, u arrestuan tre liderë të opozitës dhe…

    Berisha kritika për Bashkimin Europian: Bekoi në heshtje narkodiktaturën, u arrestuan tre liderë të opozitës dhe…

    Kreu i PD, Sali Berisha sulmoi Bashkimin Evropian gjatë një konference ndërkombëtare me temë: ‘Fuqia e Grave në Politikë’.

    Sipas tij, ndërtimi i narkodiktaturës në vend u mbështet nga administrata e shkuar e SHBA-së dhe u bekua me heshtje edhe nga Bashkimi Evropian.
    Berisha: E nderuar zonja presidente Biro’, e dashur Albana, e nderuar zonja Mariya Gabriel, zonja Doris Pack, mike e vjetër e PD dhe e Shqipërisë, zoti Thomas Kunz. Të nderuara zonja të ardhura nga vende të tjera dhe nga Brukseli, zonja të pranishme në këtë sallë, anëtare të LDG në Shqipëri.
    Është një nder i madh që na keni bërë zonja presidente me praninë tuaj dhe unë u jam shumë mirënjohës.
    Por unë kam një mirënjohje ët veçantë për të gjitha ju sepse në një proces kafkian që pësoi PD, në të vetmen narkodiktaturë të instaluar në Europë, presidenca e gruas së PPE, presidentja e nderit zonja Doris Pack dhe ju zonja të nderuara, keni dhënë mbështetjen tuaj për PD-në, për gruan demokratike, që luajti dhe luan një rol të jashtëzakonshëm në betejën kundër këtij regjimi, të cilin Europa nuk e ka njohur në historinë e vet.
    Është narkoshteti i parë që instalohet në Europë.
    Në rast se 20 vite më parë lexova se narkodiktaturat janë forma më e shëmtuar e diktaturave, shkruante Samuel Hungtington, asokohe duke ardhur nga një diktaturë staliniste, siç ishte Shqipëria, nuk u binda shumë.
    Por kur përjetoj këtu këtë realitet, ajo është një e vërtetë e madhe.
    Kjo narkodiktaturë ka pasur probleme të shumanshme.
    Së pari, ndonëse shkruhet gjerësisht dhe është analizuar gjerësisht, përsëri edhe lehtë nuk pranohet.
    Nuk pranohet sepse ndërtimi i kësaj narkodiktature u mbështet nga administrata e shkuar e SHBA, por në njëfarë mënyrë u bekua me heshtje edhe nga BE.
    Dhe kjo bëri që narkodiktatori i këtij vendi të shëtisë në Europë dhe botë me atlete të bardha, të hiqet si piktor apo sportist, në një kohë kur ai ishte personi që arrestonte tre liderë të opozitës në projektin e tij Shqipëria pa opozitë.
    Dhe jo vetëm i arrestonte ata tre liderë, por njërin prej tyre e brutalizonte në mënyrën më të dhunshme nën kamera, duke e filmuar, vetëm për të shfryrë hakmarrjen e tij ndaj kundërshtarit dhe për të terrorizuar popullatën. Ju jeni këtu në një vend që po të shihni, ka plot media, por problemi i tyre është se ato të gjitha, përveç një ose dy, kanë një kontroll rigoroz nga zyra e narkodiktatorit.
    Shqipëria ka një prokurori, e cila lavdërohet në mënyrë të paimagjinueshme gjerësisht. Por kjo prokurori speciale është një prokurori, e cila nuk prek asnjë aferë që shkon tek narkodiktatori. Ndërkohë që arreston, burgos, pa prova, vetëm si persona nën hetim liderët e tre partive kryesore opozitare, merr mandate deputetësh, merr mandate të zgjedhurish vendorë nga opozita.
    Sot kemi deputetë në burg, kemi të tjerë drejtues në arrest shtëpie. Në rast se në vitet 1990-1992, siç e theksoi e nderuara Doris Pack, në Europë kishte një interes real për liritë dhe të drejtat themelore, organizoheshin konferenca, flitej në mënyrë të vazhdueshme, sot nuk flitet shumë për liritë dhe të drejtat themelore të një kombi që vuan një narkodiktaturë.
    Sot, rastet konkrete mbyllen me një formulë bizare, nuk komentojmë për raste konkrete. Pra, i theksova këto momente, sepse këto janë gjëra tashmë të njohura. Por këto zonja të shihni këtu janë luftëtare të pamposhtura kundër këtij regjimi dhe kanë një meritë të jashtëzakonshme.
    Në momentet më të vështira këto nuk kanë ngurruar që të dalin ballë për ballë.
    E theksova për të shprehur mirënjohjen ndaj jush sepse nuk ka qenë kjo situatë në presidencën tuaj dhe fakti që zgjodhët Shqipërinë për të organizuar këtë ngjarje, është një mbështetje shumë e madhe për ne.

    Top Channel

  • “Shëtit në botë me atlete të bardha dhe hiqet si piktor”/ Berisha akuza Ramës: Arrestoi 3 liderë të opozitës me…

    “Shëtit në botë me atlete të bardha dhe hiqet si piktor”/ Berisha akuza Ramës: Arrestoi 3 liderë të opozitës me…

    Kreu i PD-së, Sali Berisha, gjatë konferencës ‘Fuqia e Grave në Politikë’ ku ishte e pranishme edhe Presidentja e EPP Women, Doris Pack, u shpreh se Shqipëria ndodhet në një regjim narkodiktatorial. Berisha hodhi akuza ndaj Ramës, duke u shprehur se arrestoi 3 liderë të opozitës, sipas kreut të PD-së, me projektin e tij Shqipëria pa opozitë.
    “Shëtiste në Europë dhe botë me atlete të bardha, të hiqet si piktor apo sportist, në një kohë kur ai ishte personi që arrestonte tre liderë të opozitës në projektin e tij Shqipëria pa opozitë”, deklaroi Berisha.
    Sali Berisha: E nderuar zonja presidente Biro, e dashur Albana, e nderuar zonja Maria Gabriel, zonja Doris Pack, mike e vjetre e PD dhe e Shqipërisë, zoti Thomas Kunz, të nderuara zonja të ardhura nga vende të tjera dhe nga Brukseli, zonja të pranishme në këtë sallë, anëtare të LDG në Shqipëri. Është një nder i madh që na keni bërë zonja presidente me praninë tuaj dhe unë u jam shumë mirënjohës.
    Por unë kam një mirënjohje të veçantë për të gjitha ju sepse në një proces kafkian që pësoi PD, në të vetmen narkodiktaturë të instaluar në Europë, presidenca e gruas së PPE, presidentja e nderit zonja Doris Pack dhe ju zonja të nderuara, keni dhënë mbështetjen tuaj për PD-në, për gruan demokratike, që luajti dhe luan një rol të jashtëzakonshëm në betejën kundër këtij regjimi, të cilin Europa nuk e ka njohur në historinë e vet. Është narkoshteti i parë që instalohet në Europë.
    Në rast se 20 vite më parë lexova se narkodiktaturat janë forma më e shëmtuar e diktaturave, shkruante Samuel Hungtington, asokohe duke ardhur nga një diktaturë staliniste, siç ishte Shqipëria, nuk u binda shumë.Por kur përjetoj këtu këtë realitet, ajo është një e vërtetë e madhe. Kjo narkodiktaturë ka pasur probleme të shumanshme. Së pari, ndonëse shkruhet gjerësisht dhe është analizuar gjerësisht, përsëri edhe lehtë nuk pranohet. Nuk pranohet sepse ndërtimi i kësaj narkodiktature u mbështet nga administrata e shkuar e SHBA, por në njëfarë mënyrë u bekua me heshtje edhe nga BE.
    Dhe kjo bëri që narkodiktatori i këtij vendi të shëtisë në Europë dhe botë me atlete të bardha, të hiqet si piktor apo sportist, në një kohë kur ai ishte personi që arrestonte tre liderë të opozitës në projektin e tij Shqipëria pa opozitë. Dhe jo vetëm i arrestonte ata tre liderë, por njërin prej tyre e brutalizonte në mënyrën më të dhunshme nën kamera, duke e filmuar, vetëm për të shfryrë hakmarrjen e tij ndaj kundërshtarit dhe për të terrorizuar popullatën.
    Ju jeni këtu në një vend që po të shihni, ka plot media, por problemi i tyre është se ato të gjitha, përveç një ose dy, kanë një kontroll rigoroz nga zyra e narkodiktatorit. Shqipëria ka një prokurori, e cila lavdërohet në mënyrë të paimagjinueshme gjerësisht. Por kjo prokurori speciale është një prokurori, e cila nuk prek asnjë aferë që shkon tek narkodiktatori. Ndërkohë që arreston, burgos, pa prova, vetëm si persona nën hetim liderët e tre partive kryesore opozitare, merr mandate deputetësh, merr mandate të zgjedhurish vendorë nga opozita. Sot kemi deputetë në burg, kemi të tjerë drejtues në arrest shtëpie.