Lajmidites.com

Tag: shembjes

  • “Pas shembjes së objekteve në Theth, do fillojë ndërtimi i resorteve”, Rama i përgjigjet qytetarit: Përralla, zhysni kokën në kanalet e infektuara të ujërave të zeza

    “Pas shembjes së objekteve në Theth, do fillojë ndërtimi i resorteve”, Rama i përgjigjet qytetarit: Përralla, zhysni kokën në kanalet e infektuara të ujërave të zeza

    Të paktën 100 objeke pa leje u shembën në fshatin turistik të Thethit. Aksioni nisi pas një denoncimi publik nga kreu i qeverisë Edi Rama, i cili denoncoi ndërtimin e 11 kabinave pa leje në “zemër” të Thethit dhe kritikoi një vendim të dhënë nga prokurorja e Shkodrës Elsa Gjeli.

    Pas denoncimit të Ramës nisi aksioni për shembjen e objektve dhe më pas pastrimin e inerteve. Mëngjesin e sotëm në rubrikën “Sy m’sy”, kreu i qeverisë iu përgjigj shqetësimit të një qytetari i cili tha se pas shembjes së këtyre objektev do të fillojë ndërtimi i resorteve nga e para.
    Aleksandër: Pasi të shemben objektet, do fillojnë ndërtimet nga e para, edhe në Theth se ky është plani.

    Edi Rama: Jo mo Aleksandër, je shumë gabim. Këto janë përralla që ju kanë mbushur kokën. Ose inati dhe mllefi ndaj qeverisë, ose zhytja e kokës nëpër kanalet e infektuara të ujërave të zeza. Nuk ndodh kjo kështu, prona është e pacënueshme. Nëse prona është e dikujt cilido që do të investojë në atë pronë duhet të merret vesh me pronarin. Në Teth nuk do të ketë më zhvillime pas astij pastrimi të madh, përveçse në raste specifike të lidhura me ata që jetojnë aty. Nuk është Thethi për resorte turistike, për vende të mëdha./vizionplus.tv

  • Nuk ndalet aksioni në Theth, IKMT “rrafshon” me tritol ndërtesën e fundit

    Nuk ndalet aksioni në Theth, IKMT “rrafshon” me tritol ndërtesën e fundit

    Theth

    SHKODËR- IKMT ka zbarkuar përgjatë natës në Theth, aty ku për më shumë se një javë vijon aksioni i shembjes së objekteve pa leje në të gjithë zonën turistike. Rreth 100 objekte janë shembur deri më tani, ndërsa aksioni pritet të vijojë edhe përgjatë ditëve në vijim deri në ‘rrafshimin’ e godinës së fundit.
    Aksioni i shembjes në zonën turistike të Thethit është shoqëruar me tensione të vazhdueshme, madje duke agravuar edhe në përdorimin dhe hedhjen e molotovëve, paralajmërime dhe kërcënime. Situata e përshkallëzuar ka nxitur nevojën për shtimin e forcave të policisë, të cilët po qëndrojnë në gatishmëri për të parandaluar incidentet të tjera, të ngjashme. 

    Ndërkohë, aksioni i shembjes është përmbyllur paraditen e sotme me shembjen e ndërtesës së fundit. Bëhet fjalë për një ndërtesë trekatëshe në fshatin Tursitkë. Ndërtesa u shemb me shpërthim të komanduar, i cili u realizua me sukses, pa incidente.

    Ndërtesa 3-katëshe

    Aksioni i lirimit të hapësirave publike ka nisur pothuajse në të gjithë vendin me urdhër të kryeministrit Edi Rama. Fenomeni “tokë e xanun”, sipas Ramës, nuk do të ekzistojnë më. Lidhur me këtë, ai ka bërë thirrje për të gjitha bizneset apo individët të cilët kanë zaptuar padrejtësisht hapësirat publike, t’i lirojnë menjëherë. Sakaq, kryeministri ka paralajmëruar se do të përballen me ligjin kushdo që e kundërshton aksionin. Ky aksion ka nisur prej ditësh në Vlorë, Theth, Tiranë dhe po zhvillohet në të gjitha qytet, duke përfshirë edhe kryeqytetin./ZËRI/

  • Dy të rinjtë humbën jetën pas shembjes së masivit të dheut, pamje nga vendngjarja në Gramsh

    Dy të rinjtë humbën jetën pas shembjes së masivit të dheut, pamje nga vendngjarja në Gramsh

    Një ngjarje e rëndë ka ndodhur ditën e sotme në zonën e Holtës të qytetit të Gramshit, ku dy të rinj kanë humbur jetën pas shembjes së një masivi dheu në zonën ku ata punonin.
    Sipas njoftimit zyrtar të Policisë, viktimat janë identifikuar si shtetasit Abas Basha, 22 vjeç, dhe Egzon Lleshi, 32 vjeç, të cilët ndodheshin në punë në momentin kur ndodhi fatkeqësia.
    Në pamjet e publikuara në media shfaqet vendi i ngjarjes pas mbërritjes së forcave të shpëtimit.
    Në pamje shfaqet masivi i gurëve dhe dheut që është shembur dhe në mënyrë tragjike u ka marrë jetën dy të rinjve.

  • Shembja e minierës në Turqi/ 14 punëtorë të plagosur

    Shembja e minierës në Turqi/ 14 punëtorë të plagosur

    Katërmbëdhjetë punëtorë u plagosën për shkak të shembjes së një miniere nëntokësore të qymyrit në rrethin Beypazari të provincës Ankara të Turqisë, sipas autoriteteve lokale.

    Incidenti ndodhi në seksionin ku ishin makineritë e prodhimit dhe 29 punëtorë ishin të pranishëm në momentin e shembjes, tha Guvernatori i provincës Vasip Sahin.

    Punëtorët e lënduar janë transportuar në spitale dhe dy prej tyre janë në gjendje të rëndë, shtoi ai.

    Brigadat e zjarrfikësve, njësitë shëndetësore, xhandarmëria dhe ekipet e menaxhimit të fatkeqësive dhe emergjencave janë dërguar menjëherë në vendngjarje, raportojnë mediat lokale.

    Guvernatori i qarkut Beypazari, Vedat Yilmaz ia atribuoi shembjen një shpërthimi gazi të shkaktuar nga një xhep ajri brenda galerisë, duke shtuar se janë zbatuar masat e nevojshme paraprake.

    Një hetim është nisur për incidentin, tha Ministria turke e Energjisë dhe Burimeve Natyrore.