Një telefonatë e mbërritur në zyrat e Inspektoratit të Shëndetit për konsumim të duhanit brenda ambienteve të Kuvendit ka bërë që inspektorët të nisen me urgjencë drejt lokalit të parlamentit.
Deputetët të cilët kanë qëndruar për më shumë se 12 orë në sallë në një seancë maratonë, kanë dashur të shfrytëzojnë ambientet e lokalit për te shoqëruar kafen me një cigare, por kanë mbetur të habitur kur kanë parë aty inspektorët e Shëndetit Publik.
Ata kanë njoftuar kreun e grupit të PD Gazment Bardhi, i cili e ngriti çështjen në parlament.
“Janë disa inspektorë që kontrollojnë ambientet e punës së deputetëve. Nuk ushtron dot kontroll prokuroria pa autorizim të seancës plenare. Jeni duke shkelur rëndë kushtetutën, jeni duke u sjellë në mënyrë të papërgjegjshme me gjestin që jeni duke bërë”, tha Bardhi.
Në përgjigje të kreut te grupit ministrja Sala konfirmoi se “është inspektorati i autorizuar për të kryer kontrollet“. Por në krah të Bardhit doli kreu i Kuvendit, Niko Peleshi. “Duhani nuk duhet lejuar. Forma dhe procedura e inspektimit, padyshim z.Bardhi ka të drejtë. Për momentin se nuk bëhet kiameti, inspektorët të largohen“, tha Peleshi.
Pas aksionit të djeshëm në kuvend, reagoi sot edhe Inspektorati.
Inspektorati Shtetëror Shëndetësor (ISHSH) kryen inspektime për monitorimin e zbatimit të Ligjit nr. 9636, datë 6.11.2006, “Për mbrojtjen e shëndetit nga produktet e duhanit”, i ndryshuar. Inspektimet zhvillohen mbi bazën e Programit Vjetor të Inspektimeve dhe planeve mujore përkatëse.
Programi i Inspektimeve parashikon monitorimin e zbatimit të ligjit nr. 9636 gjatë periudhës tetor–maj. Megjithatë, ky program nuk kufizon veprimtarinë inspektuese vetëm në këtë interval kohor. Çdo inspektim i kryer nga inspektorët e ISHSH përfshin edhe vlerësimin e respektimit të kërkesave të ligjit në subjektet e kontrolluara.
Në zbatim të ligjit nr. 92/2024 “Për inspektimin në Republikën e Shqipërisë”, trupa inspektuese vijon të sigurojë këshillimin e subjekteve për parandalimin dhe shmangien e shkeljeve, si dhe t’i informojë ato në mënyrë të qartë mbi pasojat ligjore të çdo veprimi apo mosveprimi gjatë procesit të inspektimit.
Vetëm për periudhën 1 tetor – 4 dhjetor 2025, ISHSH ka kryer 1411 inspektime dhe 954 këshillime dhe 10 paralajmërime në të gjithë vendin. Janë marrë 2 Vendime të Ndërmjetëm te subjekte të cilat tregtonin produkte të duhanit.
Inspektorati mbetet i angazhuar në zbatimin rigoroz të këtij ligji, dhe shtron nevojen e domosdoshmërisë se bashkëpunimit të të gjitha institucioneve dhe aktorëve për të siguruar një zbatim sa më efektiv.
Informacion mbi Denoncimin dhe Inspektimin pranë Parlamentit
Nisur nga telefonata e ardhur pranë Inspektoratit Shtetëror Shëndetësor (ISHSh) Qendror, ku denoncohej pirja e duhanit në ambientet e Bar Kafe, e cila ndodhet brenda ambienteve të Parlamentit, trupa inspektues u angazhua për kryerjen e inspektimit.
Ky veprim u krye në zbatim të Urdhrit Nr. 20 dhe 20/1, “Për kryerjen e inspektimit në zbatim të Ligjit Nr. 9636, datë 06.11.2006, ‘Për Mbrojtjen e Shëndetit nga Produktet e Duhanit’, i ndryshuar”.
Inspektimi u bazua gjithashtu në kërkesat e Ligjit Nr. 99/2024, “Për Inspektimin në Republikën e Shqipërisë”, Neni 33, Pika 1, germa “a”.Trupa inspektues u paraqit pranë ambienteve të Parlamentit në datën 04.12.2025 në orën 13:00 dhe po në datën 04.12.2025 në orën 21:00, ku kreu inspektimin për zbatimin e Ligjit Nr. 9636.
Tag: inspektorati
-
“Alo…disa deputetë po pinë…”/ Çfarë ndodhi? Inspektorati “zbarkon” në Parlament
-
Inspektorati “zbarkon” në Parlament/ “Alo…disa deputetë po pinë cigare në Kuvend!” Bardhi e Peleshi: S’mund të na kontrollojnë. Ministrja: Janë të autorizuar
Një telefonatë e mbërritur në zyrat e Inspektoratit të Shëndetit për konsumim të duhanit brenda ambienteve të Kuvendit ka bërë që inspektorët të nisen me urgjencë drejt lokalit të parlamentit.
Deputetët të cilët kanë qëndruar për më shumë se 12 orë në sallë në një seancë maratonë, kanë dashur të shfrytëzojnë ambientet e lokalit për te shoqëruar kafen me një cigare, por kanë mbetur të habitur kur kanë parë aty inspektorët e Shëndetit Publik.
Ata kanë njoftuar kreun e grupit të PD Gazment Bardhi, i cili e ngriti çështjen në parlament.
“Janë disa inspektorë që kontrollojnë ambientet e punës së deputetëve. Nuk ushtron dot kontroll prokuroria pa autorizim të seancës plenare. Jeni duke shkelur rëndë kushtetutën, jeni duke u sjellë në mënyrë të papërgjegjshme me gjestin që jeni duke bërë”, tha Bardhi.
Në përgjigje të kreut te grupit ministrja Sala konfirmoi se “është inspektorati i autorizuar për të kryer kontrollet“. Por në krah të Bardhit doli kreu i Kuvendit, Niko Peleshi. “Duhani nuk duhet lejuar. Forma dhe procedura e inspektimit, padyshim z.Bardhi ka të drejtë. Për momentin se nuk bëhet kiameti, inspektorët të largohen“, tha Peleshi.
Pas aksionit të djeshëm në kuvend, reagoi sot edhe Inspektorati.
Inspektorati Shtetëror Shëndetësor (ISHSH) kryen inspektime për monitorimin e zbatimit të Ligjit nr. 9636, datë 6.11.2006, “Për mbrojtjen e shëndetit nga produktet e duhanit”, i ndryshuar. Inspektimet zhvillohen mbi bazën e Programit Vjetor të Inspektimeve dhe planeve mujore përkatëse.
Programi i Inspektimeve parashikon monitorimin e zbatimit të ligjit nr. 9636 gjatë periudhës tetor–maj. Megjithatë, ky program nuk kufizon veprimtarinë inspektuese vetëm në këtë interval kohor. Çdo inspektim i kryer nga inspektorët e ISHSH përfshin edhe vlerësimin e respektimit të kërkesave të ligjit në subjektet e kontrolluara.
Në zbatim të ligjit nr. 92/2024 “Për inspektimin në Republikën e Shqipërisë”, trupa inspektuese vijon të sigurojë këshillimin e subjekteve për parandalimin dhe shmangien e shkeljeve, si dhe t’i informojë ato në mënyrë të qartë mbi pasojat ligjore të çdo veprimi apo mosveprimi gjatë procesit të inspektimit.
Vetëm për periudhën 1 tetor – 4 dhjetor 2025, ISHSH ka kryer 1411 inspektime dhe 954 këshillime dhe 10 paralajmërime në të gjithë vendin. Janë marrë 2 Vendime të Ndërmjetëm te subjekte të cilat tregtonin produkte të duhanit.
Inspektorati mbetet i angazhuar në zbatimin rigoroz të këtij ligji, dhe shtron nevojen e domosdoshmërisë se bashkëpunimit të të gjitha institucioneve dhe aktorëve për të siguruar një zbatim sa më efektiv.Informacion mbi Denoncimin dhe Inspektimin pranë ParlamentitNisur nga telefonata e ardhur pranë Inspektoratit Shtetëror Shëndetësor (ISHSh) Qendror, ku denoncohej pirja e duhanit në ambientet e Bar Kafe, e cila ndodhet brenda ambienteve të Parlamentit, trupa inspektues u angazhua për kryerjen e inspektimit.Ky veprim u krye në zbatim të Urdhrit Nr. 20 dhe 20/1, “Për kryerjen e inspektimit në zbatim të Ligjit Nr. 9636, datë 06.11.2006, ‘Për Mbrojtjen e Shëndetit nga Produktet e Duhanit’, i ndryshuar”.Inspektimi u bazua gjithashtu në kërkesat e Ligjit Nr. 99/2024, “Për Inspektimin në Republikën e Shqipërisë”, Neni 33, Pika 1, germa “a”.Trupa inspektues u paraqit pranë ambienteve të Parlamentit në datën 04.12.2025 në orën 13:00 dhe po në datën 04.12.2025 në orën 21:00, ku kreu inspektimin për zbatimin e Ligjit Nr. 9636. -
Valbona si Thethi/ 20 objekte një dhe dykatëshe pa leje të shembura deri tani
Inspektorati Kombëtar i Mbrojtjes së Territorit (IKMT) po vijon aksionin në Parkun Kombëtar të Valbonës për prishjen e ndërtimeve pa leje.
Përmes një postimi në rrjetet sociale IKMT theksoi se gjatë ditës së sotme po shemben platforma betoni dhe struktura druri.
“Deri tani janë prishur 20 objekte 1 dhe 2-katëshe, të ngritura në kundërshtim me ligjin”, tha IKMT.
Sipas IKMT-së, evidentimi dhe goditja e paligjshmërisë do të vijojë pa ndërprerje.
“Qëllimi i këtij aksioni është garantimi i mbrojtjes së mjedisit dhe ruajtja e zonave të mbrojtura”, tha IKMT.
Inspektorati Kombëtar i Mbrojtjes së Territorit (IKMT) po vijon aksionin e prishjes së ndërtimeve pa leje në të gjithë vendin, me synim rikthimin e hapësirave publike dhe mbrojtjen e territorit. -
Shkelja e sigurisë në punë, Muçaj: 883 masa më shumë se në 2024-n, në 7 muaj 35 milionë lekë gjoba
Nga janari deri në muajin korrik 2025, Inspektorati i Punës ka kryer rreth 5.500 inspektime, ku në 50 për qind të rasteve janë konstatuar shkelje sa i përket mosrespektimit të Kodit të Punës dhe Sigurisë.
Nga shifrat rezulton se për 7-mujorin e parë të 2025-ës janë marrë rreth 900 masa administrative më shumë po ta krahasojmë me të njëjtën periudhë të një viti më parë.
“Në këtë periudhë janë realizuar 5.500 inspektime në total dhe janë marrë rreth 2.800 masa. Pra, 50% e inspektimeve të realizuara janë shoqëruar me një masë administrative. Këtu përfshihen pezullimet, paralajmërimet dhe gjobat”, u shpreh Drejtori i Përgjithshëm i Inspektoratit të Punës, Eljo Muçaj.
Gjatë kontrolleve janë vendosur mbi 130 gjoba që kapin vlerën e 35 milionë lekëve. Pjesa më e madhe e shkeljeve kanë qenë të lidhura me zbatimin e legjislacionit të Kodit të Punës.
“Gjatë këtij 7-mujori, në vlerë absolute, Inspektorati i Punës ka vendosur një masë gjobash në vlerën 35 milionë lekë të rinj, e cila në numër është diku te 10-15% më shumë se e njëjta periudhë e një viti më parë. Pjesa më e madhe e shkeljeve është e lidhur me informalitetin gri. Këtu baza është më e gjerë, ku do listoja mungesën e një kontrate pune, orët e zgjatura të punës, puna në ditët e pushimit, mospagesa e plotë e pagës ose paga e nëndeklaruar”, tha kryeinspektori Muçaj.
Inspektorati i Punës ka intensifikuar kontrollet më së shumti tek subjektet që rezultojnë të jenë më problematike, si ndërtimi apo turizmi.
-
Inspektorati i Punës dhe Shërbimeve Shoqërore bën thirrje për shkak të motit të keq: Të ndalohet puna në kantieret e ndërtimit
Inspektorati Shtetëror i Punës dhe Shërbimeve Shoqërore iu ka bërë thirrje të gjitha subjekteve që operojnë në sektorin e ndërtimit të të sigurojnë dhe në rast kushtesh pune të rrezikshme të ndalojnë punën në kantieret e ndërtimit.
Njoftimi i plotë
NJOFTIM I RËNDËSISHËM PËR KANTIERE NDËRTIMI
KUJDES
Të gjithë subjektet që operojnë në sektorin e ndërtimit të marrin masat e nevojshme parandaluese në rast të parashikimit të një stuhie ose moti të keq.
Siguroni skelat, vinçat, materialet dhe pajisjet në kantier.
Hiqni dhe vendosni në vend të sigurt elementët e lirë që mund të shkaktojnë rrezik.
Siguroni mbrojtjen e punëmarrësve duke ndërprerë punimet në kushte të rrezikshme.
Vendosni shenjat paralajmëruese për sigurinë e të tretëve.
Të garantojmë sigurinë e punëmarrësve dhe qytetarëve si dhe të parandalojmë aksidente që mund të ndodhin nga kushtet e papërshtatshme atmosferike.Top Channel
-
Vlorë, IKMT nis prishjen e 27 objekteve
Inspektorati Kombëtar i Mbrojtjes së Territorit (IKMT) ka nisur sot prishjen e objekteve që pengojnë zbatimin e projektit rrugor “Lidhja e Rrugës Transballkanike me Portin Detar, Vlorë”. IKMT bën të ditur se në kuadër të këtij projekti, është planifikuar prishja e 27 objekteve 1-2 katëshe. Po ashtu IKMT thekson se poseduesit janë trajtuar me procedurën e shpronësimit për interes publik.
-
Inspektorati Shëndetësor intensifikon kontrollin e pishinave gjatë sezonit turistik
Inspektorati Shtetëror Shëndetësor ka vijuar inspektimin e pishinave dhe kushteve higjeno-sanitare në të gjitha subjektet e vendit, në kuadër të sezonit turistik.
Nga muaji qershor deri tani janë inspektuar rreth 200 pishina në të gjithë vendin dhe procesi do të vazhdojë deri në fund të sezonit.
Gjatë kontrolleve, për pishinat që kanë rezultuar me mangësi janë lënë detyra me afate të përcaktuara për përmirësim dhe janë marrë masa administrative për subjektet përkatëse.
“ISHSH kryen me përpikmëri inspektimin dhe riinspektimin, duke trajtuar me seriozitet çdo sinjalizim apo ankesë nga institucionet shëndetësore ose qytetarët, për të garantuar sigurinë dhe shëndetin e pushuesve”, shkruan Koçiu. -
Inspektorati Sanitar mbyll pishinën e Gërmisë pasi IKSHPK njoftoi se uji nuk i plotëson standardet
Inspektorati Sanitar i Ministrisë së Shëndetësisë ka mbyllur Pishinën e Gërmisë në Prishtinë, pasi Instituti Kombëtar i Shëndetit Publik në Kosovë njoftoi se uji nuk plotëson standartet për pishinë.
Inspektorët tashmë kanë vendosur shenjën ku tregohet për mbylljen e pishinës, pikërisht në dyert e kësaj pishine.
Telegrafi ka dërguar pyetje në Inspektoratin Sanitar të Shëndetësisë, por deri në publikimin e lajmit nuk ka pranuar ndonjë përgjigje./ KultPlus.com
-
Riorganizimi i inspektimeve/ 14 institucione ‘shkrihen’ në 3 inspektorate të mëdha: Ushqim, territori-mjedisi dhe shëndetësia
“Të gjithë inspektoratet do t’i integrojmë në një forcë, në një strukturë të vetme të koordinuar bashkërisht”.
Vetëm pak ditë pasi Kryeministri Rama bëri këtë deklaratë duke paralajmëruar se shumë shpejt do të vijonte puna për shkrirjen e inspektorateve në një të vetëm, Këshilli i Ministrave përcaktoi 14 institucionet në vend që do të riorganizohen në këtë drejtim.
Këto 14 drejtori, agjenci apo inspektorate, nën juridiksionin e pushtetit qendror do të rigrupohen me qëllim efikasitetin e inspektimeve dhe uljen e numrit të tyre. Bëhet fjalë për krijimin e të 3 inspektorateve të mëdha qendrore, nën drejtimin e Inspektorit Qendror Shtetëror, që do të grupojë institucionet sipas fushës së tyre të veprimit.
Autoriteti Kombëtar i Ushqimit; Autoriteti Kombëtar i Veterinarisë dhe Mbrojtjes së Bimëve dhe Drejtoria e Shërbimeve të Peshkimit dhe Akuakulturës do të bashkohen në një inspektorat të vetëm.
IKMT do të bëhet një inspektorat i madh dhe do të përfshijë në gjirin e vet institucionet aktuale si Inspektorati Kombëtar i Mbrojtjes së Territorit; Inspektorati Kombëtar i Mbrojtjes së Trashëgimisë Kulturore; Agjencia Kombëtare e Mjedisit; Agjencia Kombëtare e Pyjeve; Agjencia Kombëtare e Zonave të Mbrojtura;
Edhe institucionet që mbulojnë shëndetësinë do të bashkohen në një inspektorat të vetëm. Instituti i Shëndetit Publik, Inspektorati Shtetëror Shëndetësor dhe pjesërisht Agjencia Kombëtare e Barnave dhe Pajisjeve Mjekësore do të jenë një.
Këtyre grupimeve të mëdha do t’i bashkohen në varësi të kompetencave të tyre edhe Drejtoria e Përgjithshme e Arkivave; Inspektorati Shtetëror i Mbikëqyrjes së Tregut si dhe Inspektorati Shtetëror i Punës dhe Shërbimeve Shoqërore.
Agjencia Kombëtare e Arsimit Parauniversitar dhe Agjencia Kombëtare e Bregdetit nuk do të preken në tërësi si institucione por funksionet e tyre inspektuese do të transferohen në inspektoratet e reja qendrore.
6 janë ministritë përgjegjëse për zbatimin e këtij vendimi i cili bazohet në ligjin e ri për inspektimet që u miratua më 13 shtator të 2024-ës, Ministria e Bujqësisë, Ministria e Brendshme, e Shëndetësisë, Arsimit, Ekonomisë si dhe Ministria e Turizmit dhe Mjedisit. -
Qeveria merr vendimin: Do të riorganizohen 14 institucione inspektuese, mes tyre dhe AKU
Këtë të mërkurë Këshilli i Ministrave ka marrë vendimin për riorganizimin e institucioneve inspektuese të vendit. Ky vendim ka për qëllim sigurimin e standarteve që inspektorët të kenë njohuritë, aftësitë dhe integritetin e posaçëm për ushtrimin e funksionit të tyre.
Do të jenë 14 institucione të cilat do të riorganizohen. Bëhet fjalë për: Agjencia Kombëtare e Barnave dhe Pajisjeve Mjekësore, Agjencia Kombëtare e Mjedisit, Agjencia Kombëtare e Pyjeve, Agjencia Kombëtare e Zonave të Mbrojtura, Autoriteti Kombëtar i Veterinarisë dhe Mbrojtjes së Bimëve, Autoriteti Kombëtar i Ushqimit, Drejtoria e Përgjithshme e Arkivave, Drejtoria e Shërbimeve të Peshkimit dhe Akuakulturës, Inspektorati Kombëtar i Mbrojtjes së Territorit, Inspektorati Kombëtar i Mbrojtjes së Trashëgimisë Kulturore, Inspektorati Shtetëror Shëndetësor, Inspektorati Shtetëror i Punës dhe Shërbimeve Shoqërore, Inspektorati Shtetëror i Mbikëqyrjes së Tregut, Instituti i Shëndetit Publik.Inspektorët, do i nënshtrohen trajnimit për 15 ditët, e më pas do të kryejnë teste. Testet do të jenë në teori dhe praktikë, e më pas do të vlerësohen me pikë nga KREK-u. Pasi kandidatët të kenë kaluar me sukses testimet, do të përfitojnë kartën e inspektorit, që do të lëshohet nga Inspektori i Përgjithshëm. Kjo kartë, do të mbartë emrin, mbiemrin, foton, numrin unik identifikues, datën e lëshimit e të skadencës, fushën e inspektimit ose specializimit, por dhe element të tjerë shtesë që do të parandalojnë falsifikimin e tyre.
Sakaq, inspektorët aktualë në detyrë, të cilët nuk janë testuar për njohuritë e tyre prej më shumë se katër vite, do i nënshtrohet provimit të parë periodik brenda një viti, që nga hyrja në fuqi e këtij vendimi. E gjitha kjo vjen, pasi kryeministri Edi Rama, kërkoi pezullimin e punës së Autoritetit Kombëtar të Ushqimit.
“Duhet menjëherë të pezullohet veprimtaria e AKU-s. AKU-ja duhet ndaluar me urgjencë që të vazhdojë të veprojë, sepse më shumë sesa mirë, bën dëm”, tha Rama më 2 korrik 2025, në tryezën “Bujqësia dhe Zhvillimi Rural”, të zhvilluar mes fermerëve dhe sipërmarrësve në sektor. Më 12 korrik 2025, u vendos për ngritja e një komisioni të posaçëm me pesë anëtarë që do të vlerësojë inspektorët e AKU-së. Tre prej këtyre anëtarëve do të jenë nga Universiteti Bujqësor i Tiranës. Përveçse se do vlerësojnë në formë të shkruar dhe me gojë inspektorët e AKU-së, në fokus do të jenë edhe aplikantët e rinj.