WhatsApp krijon një hapësirë për replikat ndaj mesazheve specifike

WhatsApp po punon në një veçori e cila do të grupojë replikat ndaj mesazheve specifike në një “thread” duke e bërë më të lehtë të identifikohen bisedat.

Në vend të shfletimit në bisedë për të parë replikat individuale, funksionaliteti krijon një pamje të dedikuar për mesazhet që replikojnë me mesazhin origjinal në krye të bisedës.
Kështu përdoruesit do të mund të gjejnë replika specifike dhe të navigojnë me lehtësi në bisedat e gjata. Funksionaliteti “threads” u zbulua në versionin beta 2.25.7.7 të WhatsApp për Android dhe aktualisht është nën zhvillim.

Grupet e mesazheve do të aplikohen për bisedat individuale, bisedat në grup, komunitetet dhe kanalet. Një screenshot është publikuar duke na krijuar një ide sesi funksionaliteti do të ngjajë.
Përdoruesit mund të klikojnë mbi çdo mesazh të cituar për të parë të gjitha replikat në atë zinxhir bisede ndërsa mesazhi origjinal siç duket nuk shfaqet. Ende nuk është e qartë se kur grupet e replikave do të bëhen të disponueshme për të gjithë përdoruesit. /PCWorld Albanian
Burimi