Modemi celular i parë i Apple impresionon në iPhone 16e

Apple prezantoi modemin e parë të saj celular C1 së bashku me debutimin e iPhone 16e. Ookla, kompania pas Speedtest, vendosi të testojë modemin C1 përmes një serie testimesh dhe krahasuar me çipet e Qualcomm apo modelet më të kushtueshme iPhone 16, performoi mjaft mirë.

C1 nuk ka mbështetje për mmWave 5G, por shkëlqen në shpejtësi. Kompania gjeti se iPhone 16e mesatarisht kishte shpejtësi shkarkimi prej 560Mbps në skenarin më të mirë testimeve.
Modeli standard iPhone 16 me çipin Qualcomm është më i shpejtë prej 756Mbps mesatarisht. Në skenarin më të keq, diferenca zvogëlon më shumë ku iPhone 16e ka mesatarisht shpejtësi prej 16.66Mbps ndërsa iPhone 16 prej 27.35Mbps.

Në përditshmëri përdoruesit mesatarisht marrin shpejtësi 218Mbps me iPhone 16e që ka modemin e Apple dhe 210Mbps me iPhone 16 e cila ka modemin e Qualcomm.

Sa i përket shpejtësisë së ngarkimit, iPhone 16e performon më mirë sesa iPhone 16 në thuajse çdo testim. Siç duket investimi i Apple për të ndërtuar një modem celular të saj e ka shpërblyer kompaninë njësoj si çipet M-Series.
Raportohet se Apple ka plane të mëdha me modemet celular. C2 jo vetëm që është në zhvillim por Apple po mendon krijimin e një procesori që e përfshin modemin. /PCWorld Albanian
Burimi