Xibraka/ Rama tha se nuk ka bërë kallëzim, Bardhi i përgjigjet duke publikuar përgjigjen e Altin Dumanit për rihapjen e dosjes

Replika në distancë mes kryeministrit Edi Rama dhe kreut të Grupit Parlamentar të PD-së Gazment Bardhi, po zhvillohen në lidhje me çështjen Xibraka, për të cilën sot Olsi Rama u mor në pyetje nga Prokuroria e Posaçme (SPAK).

Pasi kryeministri tha se Bardhi nuk ka kallëzuar vëllain e tij, deputeti demokrat publikoi dokumentin ku tregohen përgjigja e kreut të SPAK Altin Dumani, që konfirmon se dosja po rihetohet.
REAGIM I KRYETARIT TË GRUPIT PARLAMMETAR TË PD, GAZMENT BARDHI
Vëllai i Olsit vazhdon me gënjeshtrat ditore, duke përhumbur në nocione juridike që as i kupton dhe as nuk mund ti kuptojë. Po more budalla po kallëzim kam bërë! Lexo përgjigjen e drejtuesit të prokurorisë së Posaçme z. Altin Dumani!
Unë nuk do bëjë kallëzimin në formën që don ti dhe yt vëlla, me qëllim rivarrosjen e çështjes që ekziston nga Prokuroria e Hanoverit.
Unë kam bërë kallëzim siç e kërkon ligji në këtë fazë ku ndodhet çështja penale, dhe që ka risjell ekzaktësisht atë që unë kam kërkuar: “Rihapjen e dosjes penale 335/1-2016 që prokurori yt personal e kishte varrosur në 2018”.
Tani mban nr. 88-2024, që do të shënjoje gjatë gjithë jetës dhe duhet ta mbash mend mirë! Deri atëherë, ndrysho strategji, të fala Olsit dhe kujdes narkoautomjetit me targa AA 653 DM!

NDIQE LIVE “PANORAMA TV”

© Panorama.al
Burimi