VIDEO/ I rrethuar nga forcat e policisë greke dhe shqiptare, momenti kur Laert Haxhia i dorëzohet RENEA-s

Panorama.com.al

03/07/2024

👁1522

Policia e Shtetit ka bërë publike videon kur i dënuari përjetë Laert Haxhia mbërrin në Kakavijë me forca të shumta policie dhe i dorëzohet forcave RENEA.

Ekstradimi i Haxhisë kryhet një vit pas arrestimit të tij në Janinë.
Kujtojmë që 32-vjeçari bëri disa tentativa ligjore për t’i shpëtuar ekstradimit në Shqipëri, por nuk ia doli dot.
Njoftimi i policisë:
Policia e Shtetit
Ekstradohet drejt Shqipërisë, i shumëkërkuari me rrezikshmëri shumë të lartë shoqërore, Laert Haxhiu.
32-vjeçari, i dënuar me burgim të përjetshëm për një sërë veprash penale si: “Grupi i strukturuar kriminal”, “Kryerja e veprave penale nga organizata kriminale ose grupi i strukturuar kriminal”, “Vrasja në rrethana të tjera cilësuese”, “Mbajtja pa leje dhe prodhimi i armëve, armëve shpërthyese dhe i municionit” dhe “Prishja e qetësisë publike”.
Falë bashkëpunimit shumë të mirë mes Interpol Tiranës dhe Interpol Athinës, u bë i mundur ekstradimi nga Greqia drejt Shqipërisë, i shtetasit të shumëkërkuar nga drejtësia shqiptare, Laert Haxhiu, 32 vjeç.
32-vjeçari është sjellë në Kakavije, në masa të larta sigurie, nga Policia greke dhe është marrë në dorëzim në Kakavije, nga Forcat Speciale “RENEA”.
Ky shtetas ishte shpallur në kërkim ndërkombëtar nga Interpol Tirana, pasi:
-Gjykata e Lushnjës, në vitin 2017, e ka dënuar me 18 vjet burgim, për veprat penale “Vrasja në rrethana të tjera cilësuese”, mbetur ne tentativë dhe “Mbajtja pa leje dhe prodhimi i armëve, armëve shpërthyese dhe i municionit”. Shtetasi Laert Haxhiu, më datë 25.09.2016, ka plagosur me armë zjarri shtetasit Xh. Sh. dhe S. Xh.;
-Gjykata e Posaçme kundër Korrupsionit dhe Krimit të Organizuar, e ka denuar me burgim të perjetshëm, per veprat penale “Grupi i strukturuar kriminal”, “Kryerja e veprave penale nga organizata kriminale ose grupi i strukturuar kriminal”, “Vrasja në rrethana të tjera cilësuese”, “Mbajtja pa leje dhe prodhimi i armëve, armëve shpërthyese dhe i municionit” dhe “Prishja e qetësisë publike”.

NDIQE LIVE “PANORAMA TV”