Të shtëna me armë zjarri në Kavajë, dy vëllezërit qëllojnë në këmbë 43-vjeçarin. Të rinjtë shpallen në kërkim nga policia

Panorama.com.al

30/06/2024

👁850

Një 43-vjeçar ka mbetur i plagosur me armë zjarri në fshatin Luz i Vogël në Kavajë.

Për shkak të një konflikti për motive të dobëta, dy vëllezër 32 dhe 26-vjeç kanë qëlluar në këmbë 43-vjeçarin.
Autorët janë identifikuar nga policia dhe po vijon puna për kapjen e tyre.
I plagosuri është transportuar në spital për ndihmë mjekësore dhe ndodhet jashtë rrezikut për jetën.
Njoftimi i policisë:
Kavajë/ Plagosën me armë zjarri gjatë një konflikti për motive të dobëta një shtetas, Policia identifikon autorët dhe vijon kontrollin e zonës për kapjen e tyre.
Më datë 30.06.2024, rreth orës 18:50, në fshatin Luz i Vogël, pas një konflikti që dyshohet për motive të dobëta, është plagosur me armë zjarri në këmbë shtetasi E. D., 43 vjeç, banues në Rrogozhinë.
Shërbimet e Policisë kanë shkuar menjëherë në vendngjarje dhe falë veprimeve të shpejta hetimore kanë bërë të mundur identifikimin e autorëve të dyshuar, konkretisht dy vëllezërit F. D. alias B. T., 32 vjeç, dhe V. T., 26 vjeç, banues në fshatin Luz i Vogël, Kavajë.
Shërbimet e Policisë vijojnë kontrollin e zonës për kapjen e dy vëllezërve të dyshuar si autorë të plagosjes së 43-vjeçarit, i cili ndodhet për ndihmë mjekësore në spital jashtë rrezikut për jetën.
Grupi hetimor, nën drejtimin e Prokurorisë, vijon veprimet hetimore për sqarimin dhe dokumentimin e plotë ligjor të rastit.
Materialet procedurale i kaluan Prokurorisë për veprime të mëtejshme.
Vijon…

NDIQE LIVE “PANORAMA TV”