“Pashë diçka të përsëritur”- Analisti për tubimin: Nuk ishte protestë e popullit! Ja çfarë duhet të bëjë opozita që të ketë sukses

Panorama.com.al

07/10/2024

👁1791

Analisti Fitim Zekthi, ka komentuar protestën kombëtare të opozitës të zhvilluar sot (7 tetor), duke u shprehur se kishte parë diçka të përsëritur.

I ftuar në studion e “Open” në News24 u shpreh se protesta e sotme nuk ishte e popullit, por e partive politike. Ai shtoi se opozita, për të pasur sukses me protesta, duhet të vijë duke u rritur nga dita në ditë dhe të pamundësojë qeverisjen.
“Ishte si shumë protesta të këtyre viteve në Shqipëri, ndoshta kishte më shumë molotovë e gaz lotsjellës. Pashë diçka të përsëritur. Kjo nuk ishte protestë e popullit në një farë mënyre, janë protesta të partive politike. Kauzat janë të vërteta, por protestat janë marrë në dorë nga partitë. Në këtë kuptim ishte si herët e tjera. Pyetja themelore është, a e sjell kjo atë që kërkon Partia Demokratike. Që një protestë të ketë sukses, duhet të vijë duke u rritur nga dita në ditë dhe të pamundësojë qeverisjen. Pa këto kushte nuk mund të ketë sukses”, tha Zekthi.

NDIQE LIVE “PANORAMA TV”