Pal Trashaj piu fostoksinë ne dyer e SPAK, Altin Dumani: Shpreh keqardhjen, por hetimi s’ishte kompetencë e jona

Panorama.com.al

08/07/2024

👁1001

Altin Dumani, drejtuesi i Prokurorisë së Posaçme, ka shprehur keqardhjen për vdekjen e 63-vjeçarit, Pal Trashaj, i cili piu fostoksinë para dyerve të SPAK më 2 Korrik, pas mashtrimit me mikrokreditë.

Kreu i SPAK theksoi se nuk kanë në kompetencë hetimin e rasteve të qytetarëve të mashtruar me mikrokreditë.
Në një takim informal me gazetarët, Altin Dumani theksoi se në lidhje me këto mashtrime është vetëm një çështje e regjistruar.
“Ne kemi vetëm një çështje të regjistruar, por nuk hetojmë rastet e qytetarëve që janë mashtruar. Kemi vetëm një hetim për një objekt konkret. Nuk bëj komente.
Realisht na vjen keq për qytetarët që përplasen ne dyert tona dhe për ata persona që vijnë për çështje të ndryshme që nuk janë në kompetencën tonë. Shpreh keqardhjen për atë që ndodhi para dyerve të SPAK. Ka kërkesa të shumta nga qytetarë, ligji na e ka përcaktuar qartë”, tha Altin Dumani.

NDIQE LIVE “PANORAMA TV”