“Ngado të rrotulloheni këtu do të ktheheni”- Rama me të rinjtë: Sot të thuash jam nga Shqipëria, je ‘sexy’, deri dje ishe qamet!

Kryeministri Edi Rama nga takimi me të rinjtë pjesë e Programit Kombëtar i Praktikave të Punës, ka deklaruar se konkurset bazohen në meritë.

Rama tha se nëse konkurset e administratës publike do të ishin të shituara, rreth 1/3 nuk do të dilnin pa fitues.
Ndër të tjera kreu i qeverisë u ndal te largimi i të rinjve, ku tha se ngado të rrotullohen sërish do të kthehen në Shqipëri.
“Nëse shkruani në CV tuaj se do shkruani kam punuar në administratën publike, do të priteni me respekt. Sot na respektojnë. Të thuash jam nga Shqipëria je seksi, deri dje ishe qamet. Mos u dorëzoheni asnjëherë se ngado të rrotulloheni këtu do të ktheheni. Jo sepse atje ku do të shkoni nuk do të arrini, por kur të vijë koha do të jetë më bukur”, tha Rama.
“Ligji për administratën publike, që ka konsoliduar pozicionit e nëpunësve civilë, si pozicione të palëvizshme se kështu do ministër i radhës, ka hyrë në fuqi në fillim të mandatit tonë. Ka qenë një sfidë e dyfishtë. Nga ligji përfituan ata që e meritonin dhe ata që nuk e meritonin që kishin hyrë si pjesë e proceseve politike. Aty ka lindur ideja e këtij program.
Ka një fakt tjetër, nëse konkurset e administratës publike do të ishin të shituara, rreth 1/3 nuk do të dilnin pa fitues. Dalin pa fitues sepse nuk kanë plotësuar kriteret.
Është shumë e rëndësishme ta besoni këtë dhe shumë më e rëndësishme të besoni se cilado qofshin pengesat, ju duhet të besoni që atë gjë që doni ta arrini, do ta arrini dhe të jeni të gatshëm të bëni gjithçka.
E fundit që kam për thënë është që ju mund të bëni zgjedhjen tuaj, mund të jetoni këtu, të shkoni jashtë, të mendoni se atje larg ju pret me krahëhapur një republikë e konkurrencës, por në të gjitha rastet mundësinë për këtë eksperiencë shfrytëzojeni deri në fund. Nëse shkruani në CV tuaj se do shkruani kam punuar në administratën publike, do të priteni me respekt. Sot na respektojnë. Të thuash jam nga Shqipëria je seksi, deri dje ishe qamet. Mos u dorëzoheni asnjëherë se ngado të rrotulloheni këtu do të ktheheni. Jo sepse atje ku do të shkoni nuk do të arrini, por kur të vijë koha do të jetë më bukur”, tha Rama.

NDIQE LIVE “PANORAMA TV”

© Panorama.al
Burimi