Interpelanca/ “Bëre një mishmash”- Koçiu i përgjigjet Shehut: Surrogacia është e kufizuar! Arsyet e abortit janë personale, nuk duhen trajtuar në tribuna politike

Në interpelancën për projektligjin e shëndetit riprodhues, ministrja e Shëndetësisë Albana Koçiu, i është përgjigjur deputetit demokrat Tritan Shehu, duke i thënë se nëse ka dijeni për ‘aktet makabre’ që përmendi në fjalimin e tij, t’i drejtohet prokurorisë me kallëzim.

Ndër të tjera ajo u shpreh se ndasitë politike për shëndetin e grave dhe vajzave të shqiptare, nuk mund të ndahen sipas interesave të ditës.
Gjithashtu ministrja shprehu se surrogacia është e kufizuar vetëm për arsye shëndetësore dhe përjashtimi kategorik i saj për arsye komerciale.
“Asgjë nuk the! Je dhe mjek dhe e di shumë mirë terminologjinë. Berë një mishmash këtij, por po të përsërisësh që jemi duke rregulluar një amulli që siç e the ishte e parregullt,  çnjerëzore. Ajo që përpiqem të bëj është ta rregulloj. Nëse ke dijeni për akte makabre, shko kallëzoji atje ku dihet dhe mos hajde këtu për narrative politike.
Ndasitë politike për shëndetin e grave dhe vajzave të shqiptare, nuk mund të ndahen sipas interesave të ditës.
Surrogacia është e kufizuar vetëm për arsye shëndetësore dhe përjashtimi kategorik i saj për arsye komerciale. Ne kemi një ligj që e lejon ndërprerjen e shtatzënisë brenda një periudhe të caktuar, kjo nuk cenohet.
Arsyet që çojnë drejt ndërprerjes së shtatzënisë janë shumë të personale, nuk është e drejtë të trajtohen në tribuna politike”,  tha Koçiu.

NDIQE LIVE “PANORAMA TV”

© Panorama.al
<a class=”source-link” href=”http://www.panorama.com.al/interpelanca-bere-nje-mish-mash-kociu-i-pergjigjet-shehut-surrogacia-eshte-e-kufizuar-arsyet-e-abortit-jane-personale-nuk-duhen-trajtuar-ne-tribuna-politike/”>Burimi</a>