Çifti shqiptar gjendet i vrarë me armë zjarri në një apartament luksoz në SHBA! Policia amerikane zbulon detajet: Gruaja e qëlloi disa herë burrin, më pas…

Një ngjarje tronditëse ka ndodhur në Shtetet e Bashkuara të Amerikës, ku një çift shqiptarësh nga Kosova janë gjetur të vrarë me armë zjarri.

Mediat në SHBA thonë se bëhet fjalë për çiftin Pajtim dhe Sabrina Krasniqi, 34 dhe 27 vjeç.
Ngjarja e rëndë ka ndodhur në apartamentin e tyre luksoz në Hallandale Beach në Florida, ndërsa nga hetimet rezulton se ka qenë 27-vjeçarja, e cila ka qëlluar me armë zjarri bashkëshortin e saj, më pas i ka dhënë fund jetës.
“Nga hetimet është konstatuar se Sabrina Krasniqi ka qëlluar për vdekje disa herë bashkëshortin e saj. Ngjarja ka ndodhur në banesën e tyre të përbashkët”, tha policia në një njoftim për media të premten, por nuk dha detaje për arsyet që mund të kenë çuar në këtë krim të dyfishtë.
Albana Krasniqi Munrett, motra e madhe e Pajtimit, tha se ajo dhe familja e saj e kaluan javën e Falenderimeve me zemër të thyer për shkak të tragjedisë.
“Festën e Falënderimeve nuk e kalova me burrin dhe fëmijët e mi. Nuk e kalova me miqtë e mi. Këtë ditë e kalova me policët, hetuesit dhe lajmet që flisnin për vrasjen e egër dhe të pakuptimtë të vëllait tim të vogël nga gruaja e tij”, ka shkruar motra e viktimës në Facebook.
“Gruaja e Pajtimit zgjodhi t’ia merrte jetën vëllait tim, kur ajo e qëlloi me pesë plumba në kraharorin e tij. Personit të cilin i besonte kaq shumë, personin të cilin e zgjodhi të kalonte jetën edhe ia mori. Ajo e tradhtoi atë, dashurinë dhe besimin e tij. Ajo e shkatërroi familjen time. Unë dhe vëllezërit e motrat e mia nuk do të jemi më kurrë njësoj. Jam e tmerruar që nëna ime nuk do ta kalojë kurrë këtë. Të dua përgjithmonë Pajtim”, ka shkruar mes tjerash Albana Krasniqi.

NDIQE LIVE “PANORAMA TV”

© Panorama.al
Burimi