Akuzohet për pastrim parash/ Arrestimi i Juri Ymerajt në Itali, reagon babai i 35-vjeçarit: Djali ka marrë pafajësinë. Ja pse është thirrur

Panorama.com.al

04/07/2024

👁1599

Policia e Shtetit njoftoi ditën e sotme (4 korrik) se autoritet italiane kanë vënë në pranga shtetasin shqiptar Juri Ymeraj, me qëllim ekstradimin drejt Shqipërisë.

Ymeraj akuzohet nga GJKKO-ja për pastrim parash, por në lidhje me këtë ngjarje ka reaguar për Balkan Web babai i 35-vjeçarit duke u shprehur se kjo është një e pavërtetë.
Petrit Ymeraj, pretendon se djali i tij ka marrë pafajësinë për akuzat e ngritura nga SPAK dhe se sipas tij është thirrur nga policia italiane vetëm për verifikim 24 orë.
LEXO EDHE: I dyshuar për pastrim parash dhe i përfshirë në dosjen e inceneratorit të Fierit, arrestohet në Romë, Juri Ymeraj
Kujtojmë 35-vjeçari është i përfshirë edhe në dosjen e inceneratorit të Fierit, ku ai së bashku me Arbër Denizi dhe Silvester Driza, kanë themeluar shoqëritë “Pivot 04” sh.p.k, “Sili” sh.pk, ‘JPY’ sh.p.k.
Nga hetimet e kryera, transaksionet e inceneratorit të Fierit me kompanitë “Pivot 04” sh.p.k, “Sili” sh.pk, ‘JPY’ sh.p.k, janë fiktive dhe se ato janë krijuar posaçërisht për t’u përdorur për të mbuluar natyrën e vërtetë të kryerjes së këtyre transaksioneve.

NDIQE LIVE “PANORAMA TV”