Aksioni blic në Elbasan/ Zbardhen detaje nga operacioni i SPAK! Nga ish-gjyqtari tek zyrtari i lartë i Policisë! 18 të arrestuar! Avokatja e Suel Çelës, në arrest shtëpie

Panorama.com.al

25/11/2024

👁1168

Gjykata e Posaçme e Shkallës së Parë për Korrupsionin dhe Krimin e Organizuar me kërkesë të SPAK ka miratuar masat ‘arrest me burg’ për 18 persona, të cilët u prangosën nga aksioni blic në qytetin e Elbasanit.

Gjatë këtij aksioni u ushtruan kontrolle në bizneset e të kërkuarit të drejtësisë, Suel Çela, ndërkohë që u ‘bastisën’ banesat e dy ish-gjyqtarëve, Zihni Shahu dhe Taulant Tafa. Po ashtu mësohet se zyrtari i policisë i akzuar si pjesë e grupit të Suel Çelës është Dedan Gjoni.
GJKKO caktoi masë ‘arrest shtëpie’ për avokaten e Suel Çelës, Blerina Beqirin.
Gazetarja e News24 Klodiana Lala raporton se SPAK ka caktuar masën ‘detyrim paraqitje’ edhe për dy gazetarë, Artan Hoxha dhe Elton Qyno, të cilët ditën e sotme janë njohur me masat.
“Në kuadër te hetimit të një organizate kriminale me shtrirje ndërkombëtare, me kërkesë të Prokurorisë se Posaçme, Gjykata e Posaçme e Shkalles së Parë për Korrupsionin dhe Krimin e Organizuar ka caktuar masat e sigurisë për 21 persona, ku përfshihen anëtarët e organizatës kriminale, një zyrtar i lartë policie, një gjyqtar në detyre gjatë kryerjes së aktivitetit kriminal, një avokat dhe dy gazetarë.
Artan Hoxha dhe Elton Qyno sot ne SPAK
Masat e caktuara të sigurisë janë si më poshtë: Arrest me burg – 18 persona (përfshirë ish gjyqtarin dhe zyrtarin e lartë të policisë së shtetit);Arrest në shtëpi – 1 avokat;Detyrim paraqitje në policinë gjyqësore – 2 gazetarë.
Operacioni për ekzekutimin e masave të sigurisë i cili po mbështetet nga Europol dhe agjencitë e tjera ligjzbatuese shqiptare dhe evropiane, është në vijim”, bëhet me dije nga SPAK.

NDIQE LIVE “PANORAMA TV”