Starton gjysmëfinalja Holandë-Angli, “Tulipanët” apo ‘3 luanët’ përballë Spanjës në finale?

Starton gjysmëfinalja Holandë-Angli, e vlefshme për kualifikimin në finale të “EURO 2024”, ku njëra prej tyre do të përballet me Spanjën më 14 korrik në “Olympiastadion” të Berlinit.
Kjo do të jetë gjysmëfinalja e parë në 10 vite për “tulipanët” në një kompeticion madhor, pas Botërorit 2014, ku u mundën nga Argjentina me penallti. Pikërisht kjo dekadë, ka qenë më e errëta e historisë së Holandës, ku kanë pasur vetëm zhgënjime në çdo eveniment që kanë marrë pjesë, por jo në këtë Europian, pasi kanë shansin e artë për të kthyer edhe njëherë nderin që i takon.
Tifozët e tyre kanë qenë të flaktë gjatë gjithë kompeticionit, ku e kanë mbështetur ekipin e tyre në çdo ndeshje dhe kanë prodhuar festë me koreografi të mahnitshme. Pikërisht sot, mediat gjermane tregojnë se në Dortmund gjenden plot 80,000 tifozë “tulipanë”, që po prodhojnë “show” në rrugët e qytetit.
Ky i sotmi është takimi i katërt mes Anglisë dhe Holandës në një turne madhor; “Portokallinjtë” fituan 3-1 në “EURO  1988” (falë një triplete të Marko van Basten), e ndjekur nga një barazim pa gola në “Kupën e Botës 1990” dhe një fitore 4-1 për Anglinë në “EURO 1996”.
– Anglia ka fituar vetëm një nga nëntë takimet e fundit me Holandën në të gjitha kompeticionet (4 barazime 4 humbje), duke fituar një ndeshje miqësore 1-0 në Amsterdam në mars 2018.
– Nga të gjitha kombet që Anglia është përballur më shumë se 20 herë në historinë e saj, vetëm kundër Brazilit (15%) ka një përqindje më të ulët të fitoreve se sa kundër Holandës (27% – 6 fitore, 9 barazime 7 humbje).
– Me Memfis Depajin (17 goditje, 10 raste të krijuara) dhe Kodi Gakponë (13 goditje, 11 raste të krijuara), Holanda është e vetmja skuadër me më shumë se një lojtar që ka +10 goditje dhe +10 raste të krijuara. Një ose të dy nga Depaji dhe/ose Gakpo janë përfshirë drejtpërdrejt në 47 nga 74 goditjet e Holandës në këtë Europian.
– Anglia ka shkuar në kohë shtesë në të dyja ndeshjet e saj me eliminim direkt në “EURO 2024” deri më tani. Vetëm Portugalia në “EURO 2016”, Spanja në “EURO 2020” dhe Italia në “EURO 2020” kanë shkuar në kohë shtesë tri herë në një edicion të vetëm të finaleve.
– Holanda ka fituar dy ndeshje të ndryshme, pasi ka pësuar golin e parë në “EURO 2024”, duke mundur Poloninë 2-1 në fazën e grupeve dhe Turqinë me të njëjtin rezultat në çerekfinale. Por edhe anglezët kanë treguar forcë karakteri me Sllovakinë dhe Zvicrën, duke e parë veten në disavantazh.anglia holanda “euro 2024”
Burimi