Skandali tek Onkologjiku, Alimehmeti: Ligji ishte gati, por po prisnin të ndodhte një incident!

Ilir Alimehmeti

Mjeku Ilir Alimehmeti ka folur lidhur me skandali tek Onkologjiku. Ai theksoi se skandali ka qenë i paralajmëruar më parë nga KLSH dhe OBSH, por nuk iu kushtua rëndësi derisa u publikua në media. Alimehmeti shtoi se niveli i shpenzimeve të qytetarëve për shëndetësinë në vendin tonë është katastrofik.
“Kur e thotë KLSH e OBSH nuk i japim rëndësi. A nuk e ka tha OBSH që 60% e shpenzimeve shëndetësore del nga xhepat e qytetarëve. Mbi 15 % quhet ekstremisht e lartë, mbi 29% çon në rrënim katastrofik një familje. Kur e thotë OBSH nuk i vëmë rëndësi. Aty ka qenë gjithmonë ky problem se dështimi i shëndetësisë falas e tregoi qartë. Ne kishim gjithmonë pagesë nga xhepi, por kemi trajektore rritëse. 60% është niveli më i lartë europian në shkallë katastrofike. Nga ana tjetër buxheti për shëndetësinë është 2.78%, më i ulëti në Europë”, tha ai për “A2Cnn”.
Duke iu referuar raportit të KLSH-së, mjeku Alimehmeti theksoi se qindra pacientë nuk marrim trajtim kimioterapie, ndërsa medikamentet vinë me vonesë. Sipas tij Shqipëria ka vdekshmërinë më të lartë për kancerin në Europë.
“KLSH në raportin vjet në gusht tha; 600 gra nuk marrin mjekim kimioterapie, 200 nuk kanë aparature orto voltazhi, ndër 13 medikamentet që kanë hetuar vijnë më vonesë nga 12-34 ditë kur vjen me vonesë nuk zbatohet skema e trajtimit. Dhe ne kemi përqindjen e vdekshmërisë më të lartë për kancerin në Europë. Të gjitha kanë qenë në raport zyrtar dhe ministrja ka pasur një rast të lartë në dorë se u emërua në shtator. KLSH ka dhënë detyra e rekomandime për të cilat duhet të veprosh. Ligji të dënon për veprime e mos veprime dhe pas 9 muajsh dëgjojmë të njëjtën histori”, u shpreh ai.
I pyetur sesa do të ndikojnë masat e njoftuara një ditë më parë nga qeveria pas skandalit tek Onkologjiku, Alimehmeti theksoi se ligji ishte gati por pritej të ndodhte një inicident se nuk mund të bësh një ligj për dy ditë.
“Nuk ka shans që të bëhej një ligj për dy ditë, ky ligj ishte gati, por pritej të ndodhte një incident. Se në janar dolën dhe thanë që mjekët mund të punojnë pasdite në QSUT në privat. Çështja është ku do punojnë pasdite këta në privat apo publik? Këtu është vetëm çështje e lekëve. Po ta vësh pasdite prapë dy punë bën ky mjek. Parimi duhet të jetë punë e denjë, pagë e denjë. Në konkurrencë mes publikut e privatit do të fitojë gjithmonë privati. Nëse i vë para një pikëpyetjeje të tillë do të kemi një largim nga sistemi shtetëror. Do rriten çmimet e privatit. Një urgjence t’i thuhet hajde pas një muaji, është neglizhencë mjekësore, dënohet penalisht”, tha mjeku.
Alimehmeti sugjeroi rritjen e pagave të mjekëve dhe për këtë iu refuzua sondazheve të mjekëve të pyetur, të cilin ia kanë dhënë edhe Ministrisë së Shëndetësisë.
“Rroga e mjekëve nuk del as për njësinë familjare. Mjekët e sapodiplomuar është pak më pak se 2 milionë lekë të vjetra, mjekët e përgjithshëm me pak eksperiencë kërkojnë 1 milion e 100 lekë të vjetra, specializantët 1.5 milionë lekë të vjetra, kujtojmë që 61% të specializantëve i kemi me zero pagesa dhe mjekët specialistë 3.2 milionë lekë të vjetra. Nëse t’i u ofron diçka atyre që janë dakord ke edhe të drejtën të kërkosh. Mbështeti mjekët dhe këta do të fuqizojnë sistemin shëndetësor. Fuqizo mjekët se ka të bëjë me njerëzit dhe bëhet nga njerëz të tjerë. Burimet njerëzore janë të parat në sistemin shëndetësor”, theksoi Alimehmeti.
Sistemi shëndetësor publik nuk ka qenë asnjëherë prioritet, tha Mjeku Alimehmeti, por problemi qëndron edhe te centralizimi.skandali tek onkologjiku
Burimi