Roko Vata i bën mbyllje fantastike vitit 2024, sulmuesi shqiptar i jep fitoren Uatfordit në “frymën e fundit” (Video)

Roko Vata po i bën një mbyllje fantastike vitit 2024, teksa me dy gola dhe 2 asiste në 4 ndeshjet e fundit me ekipin e Uatfordit, po ndihmon atë të mbetet në garën për kthimin në Premier Ligë. Sulmuesi shqiptar, ka qenë sot protagonist në suksesin 2-1 ndaj Portsmuthit, me një gol në shtesë.
Ai u aktivizua në startin e pjesës së dytë, për t’i dhënë një impuls fazës ofensive të skuadrës e cila e shihte veten në disavantazh të një goli pas 45 minutave të para. Një penallti e ekzekutuar nga Kajembe barazoi shifrat, ndërsa sulmet e vendasve nuk reshtën derisa erdhi minuta e 95.

Vata shfrytëzoi një grushtim të portierit dhe duke ndjekur aksionin me shpejtësi shtyu topin në rrjetë për të shënuar golin e fitores 2-1 për ekipin e tij, që ngjitet kësisoj në vendin e 6 në renditjen e Kategorisë së Dytë Angleze.roko vata sulmuesi shqiptar uatford
Burimi