Pjesëtari i stafit të Vllaznisë kërcënoi me vdekje ekipin e Valur, rrezikohet ndeshja e kthimit; UEFA dhe Interpol marrin në dorë situatën

Edhe pse skuadra e Vllaznisë bëri mirë në fushën e lojës në ndeshjen e parë ndaj Valurit në Islandë, ndeshja e kthimit në Shkodër është vënë në rrezik nga reagimi i tifozëve dhe stafit të saj. Incidentet në tribuna aludohet se janë pasuar me të tjerë në ambientet e brendshme të stadiumit dhe pala islandeze ka denoncuar se ka marrë kërcënime me vdekje nga një pjesëtar i stafit të Vllaznisë.
Një ngjarje e rëndë që tashmë sipas mediave ndërkombëtare ka përfunduar jo vetëm në lupën e UEFA-s që po bën gati sanksionet, por edhe të Interpolit, që kërkon të shohë se sa konkrete janë këto kërcënime për të cilat flet klubi i Valur, para ndeshjes së kthimit të së enjtes që tashmë është në rrezik.
“Daily Record” bën të ditur se si UEFA, ashtu edhe Interpoli, po hetojnë ngjarjet “pas kërcënimeve me vdekje që aludohet se janë bërë nga një anëtar i bordit të Vllaznisë dhe një nga tifozët kërcënoi që do të godiste në sy një stjuard”.
“UEFA raportohet se po merr në konsideratë sanksionet me të cilat do të godasë klubet dhe është sugjeruar në mediat islandeze se ata mund ta zhvendosin ndeshjen e kthimit nga qyteti i Shkodrës”, shkruan e përditshmja britanike.vllaznia skuadra shkodrane valur
Burimi