Përfundon pjesa e parë/ Gjermania dhe Spanja dhurojnë spektakël por pa fitues, Pedri lë fushën me lot në sy (Video)

Përfundon pjesa e parë e finales së parakohshme Spanjë-Gjermani. Ndeshja që po luhet në MHP Arena” të Shtutgartit është mbyllur me rrjeta të paprekura.
Në minutën e 8, Pedri pësoi dëmtim dhe la fushën e lojës me lot në sy.

Në minutën e 15, Jamal tentoi nga goditja e dënimit, por topi shkoi jashtë edhe pse kaloi murin.

Në minutën e 21, Kimish nga e djathta harkoi në mënyrë perfekte në zonë, ku Haverc gjuajti me kokë, por shumë në qendër, duke dërguar topin në duart e portierit Simon.

6 minuta më vonë, Spanja fitoi një tjetër goditje dënimi. Uilliams gjuajti, por spanjollët nuk e shfrytëzuan siç duhet.

Në minutën e 33, Kimish futi nje top në zonë,, por Simon priti topin e gjuajtur nga gjermani.

2 minuta më vonë, Haverc pati një tjetër rast për të kaluar Gjermaninë në avantazh, por u ndal sërish nga portieri Simon.

Në minutën e 36, Uilliams dha një tjetër shkëndijë me një shpërthim në të majtën, teksa u ndal nga Nojer në shtyllën e parë.
Mbetet të shihet si do të shkojnë 45 minutat e dyta të këtij takimi për të mësuar skuadrën e parë që do të kualifikohet në gjysmëfinale.
 
 gjermania spanja
Burimi