Oliver Kahn nis negociatat për të blerë klubin historik francez: Diskutimet sapo kanë filluar

Portieri legjendar gjerman, Oliver Kahn ka konfirmuar bisedimet që ka nisur me klubin francez, Bordo për blerjen e mundshme të aksioneve.
“Diskutimet për një hyrje të mundshme në Bordo janë vetëm në fillim. Nuk ka asgjë më shumë për të thënë për momentin”, konfirmoi Kahn për gazetën “Bild”.
Hyrja e tij në klubin francez sigurisht që do të ishte një surprizë e madhe duke pasur parasysh që ata po konkurrojnë në ligën e katërt amatore pas falimentimit.
Ata renditen në vendin e katërt në Championnat National 2, 11 pikë prapa kryesueve të Saint-Malo, por edhe me dy ndeshje më pak, ndërsa vetëm vendi i parë garanton ngjitjen në një ligë më lartë.
Bordo është shpallur gjashtë herë kampion i Francës, herën e fundit në vitin 2009 dhe u rrëzua nga elita franceze në vitin 2021.
Te Bordeo, situata është shumë e komplikuar, pasi klubi ndodhet aktualisht nën administrim të kontrolluar. Nën verdiktin e Gjykatës Komerciale, klubi historik rrezikon likuidimin gjyqësor. Një seancë, e parë, e cila mund të jetë tashmë vendimtare për të ardhmen e klubit, është caktuar më 21 janar.
I themeluar në vitin 1881, “Football Club des Girondins de Bordeaux” ka fituar 6 tituj kombëtarë (të fundit në sezonin 2008-2009), 4 Kupa të Francës, 3 Kupa të Ligës dhe 3 Superkupa Franceze. Gjithashtu ka fituar Kupën Intertoto në vitin 1995 dhe ka humbur finalen e Kupës UEFA në vitin 1996, pikërisht kundër Oliver Kahn dhe Bajernit të Mynihut (5-1 në total në favor të gjermanëve të trajnuar nga Franc Bekenbauer).
Kapiteni i Bordo në atë kohë ishte Bizantin Lizarazu, simbol i ardhshëm i bavarezëve, si dhe dy talente të rinj që, shpejt pas kësaj, do të bënin bujë: Zinedin Zidan dhe Kristog Dugari. Të tre ata do të bëheshin kampionë bote në “Francë 1998”. Një e kaluar e lavdishme nuk ka qenë kurrë kaq e pasigurt, ndaj po ngrihet pyetja: A do të mund ta shpëtojë Bordo një legjendë gjermane e futbollit si Kahn?oliver kahn portieri legjendar gjerman bordo skuadra franceze
Burimi