Nuk janë vetëm dy ekipet “BIG” të Serisë A, edhe Lacio futet në garë për Ardian Ismajlin

Janari pritet të jetë një muaj i rëndësishëm për Ardian Ismajlin. Qendërmbrojtësi kuqezi ka në tavolinë prej kohësh një ofertë nga ana e Empolit për të rinovuar kontratën e tij e cila i përfundon në fund të këtij sezoni. Deri në këtë pikë, Ismajli nuk ka shfaqur interesim për të hedhur firmën mbi kontratën e re, duke e vendosur Empolin në pozita jo komode për të negociuar. Klubi toskan është i detyruar ta shes gjatë janarit, për të mos rrezikuar që në fund të këtij sezoni ta humbasin falas.
Lajmi i mirë për Empolin është fakti që për Ismajlin ka disa oferta të rëndësishme nga klube të mëdha që shohin te qendërmbrojtësi kuqezi opsionin ideal për të përforcuar repartin e prapavijës.
Nuk është një sekret që për Ismajlin prej kohësh interesohen dy klube “big” si Napoli dhe Juventus, por së fundmi “Zonja e Vjetër” duket sikur është tërhequr, por sërish Napoli nuk është i vetëm në këtë garë, pasi sipas mediave italiane edhe Lacio ka shfaqur interesim për Ismajlin. Ekipi kryeqytetas është në krizë në prapavijë si pasojë e dëmtimeve dhe Ismajli mund të jetë një opsion i përshtatshëm.
ardian ismajli mbrojtësi i kombëtares shqiptare lacio
Burimi