Nisi të luajë tenis kur ishte 4-vjeç, legjenda Rafael Nadal njofton dorëheqjen

Rafael Nadal, fituesi i 22 Grand Slam në tenis ka njoftuar se do të tërhiqet nga ky sport në fund të këtij sezoni.
38-vjeçari do të bëjë paraqitjen e tij të fundit për Spanjën në finalet e Kupës Davis të nëntorit në Malaga.
Në një video-mesazh, Nadal thotë: “Jam këtu për t’ju njoftuar se po tërhiqem nga tenisi profesionist.
Realiteti është se kanë qenë vite të vështira, veçanërisht dy të fundit. Unë nuk mendoj se kam qenë në gjendje të luaj pa kufizime”, tha Nadal.
“Në këtë jetë, çdo gjë ka një fillim dhe një fund. Dhe mendoj se është koha e duhur për t’i dhënë fund një karriere që ka qenë e gjatë dhe shumë më e suksesshme nga sa mund ta kisha imagjinuar ndonjëherë.”, u shpreh ai.
“Rafa” filloi të luante tenis në moshën katër vjeçare, me nxitjen e xhaxhait të tij, Toni Nadal, i cili mbeti trajneri i tij deri në vitin 2017. Në vitet e para, ai luante tenis me dorën e majtë – edhe pse shkruante me të djathtën. Në moshën 12-vjeçare, xhaxhai i tij e inkurajoi atë të adoptonte një stil më konvencional të tenisit me dorën e majtë.
Rafa Nadal, i cili zyrtarisht u bë profesionist në vitin 2001, ishte paraqitur vetëm në një turne Grand Slam për të rinj kur arriti në gjysmëfinale në Wimbledon në 2002. Ai filloi karrierën e tij profesionale vitin 2003, duke u futur në listën e 50 tenisistëve më të mirë në botë. Në vitin 2005, ai vendosi një rekord për një lojtar adoleshent me 11 fitore në turne, duke përfshirë një triumf në debutimin e tij në Roland Garros, duke e eliminuar Federerin në gjysmëfinale.rafael nadal terheqje tenis
Burimi