Moti i keq në vend, policia apel drejtuesve të mjeteve: Jini vigjilent dhe respektoni rregullat e qarkullimit!

Moti i keq i cili ka pushtuar vendin me reshje të dendura shiu dhe dëbore ka shkaktuar probleme me qarkullimin në disa akse rrugore.
Për shkak të kushteve të vështira të qarkullimit në disa akse dhe kushteve të vështira atmosferike, policia u është drejtuar me një apel qytetarëve që të kenë kujdes në lëvizje si dhe të respektojnë sinjalistika rrugore,
“Apel për më shumë kujdes gjatë drejtimit të automjeteve dhe motomjeteve.
Shërbimet e Policisë kanë rritur prezencën në akset rrugore urbane e rurale për shkak të motit me reshje shiudhe në disa zona malore me reshje dëbore .
Firmat kontraktore për mirëmbajtjen e rrugëve po punojnë për pastrimin e rrugëve nga bora dhe për shpërndarjen e kripës, si dhe për pastrimin nga rënia e inerteve në zonat me intensitet të lartë të reshjeve të shiut. Deri tani nuk ka asnjë aks rrugor të bllokuar.
Policia Rrugore apelon për drejtuesit e mjeteve që të bëjnë kujdes në lëvizje, të respektojnë sinjalistikën rrugore, të reduktojnë shpejtësinë, të pajisen me zinxhirë dhe goma dimërore dhe të ndjekin udhëzimet e shërbimeve të Policisë Rrugore”, njofton policia.
Burimi