“Perëndimi është veç fillimi”, një mbrëmje ku humori bashkoi publikun në zemër të Prishtinës

Dilara Sollova Në Platonë e Pallatit të Rinisë në Prishtinë, të enjten mbrëma u krijua një atmosferë ndryshe nga zakonisht. Nën qiellin e hapur të kryeqytetit, qindra qytetarë dhe bashkatdhetarë u mblodhën për të ndjekur mbrëmjen e stand-up comedy “Perëndimi është veç fillimi”, një organizim që solli në të njëjtën skenë artistë nga Kosova, Shqipëria dhe diaspora. Për disa orë me radhë, humori u bë gjuha që bashkoi publikun, ndërsa të qeshurat mbushën sheshin, duke dëshmuar se ky zhanër po fiton gjithnjë e më shumë vend në jetën kulturore të vendit. Mbrëmja u organizua në bashkëpunim me Komunën e Prishtinës, ndërsa para fillimit të performancave të komedianëve, të pranishmit i përshëndeti drejtori i Kulturës në Komunën e Prishtinës, Isah Mustafa, i cili vlerësoi iniciativën dhe...