Aksident tragjik në Fushë-Prezë! Makina shpërthen në flakë, humbin jetën katër të rinj

Aksident tragjik në Fushë-Prezë! Makina shpërthen në flakë, humbin jetën katër të rinj

Një aksident tragjik ka ndodhur në aksin Fushë Krujë-Vorë, gjatë mbrëmjes së djeshme (19 mars).
Një automjet është përplasur me një betoniere në fshatin Fushë-Prezë rreth orës 23:50 dhe si pasojë kanë humbur jetën 4 të rinj.

Si pasojë e përpjasjes së rëndë, makina ka shpërthyer në flakë dhe të rinjtë e moshës 20-25 vjeç janë djegur brenda.
“Më datë 19.03.2025, rreth orës 23:50, në Fushë-Prezë, nga shërbimi i qarkullimit rrugor është konstatuar një automjet i cili kishte marrë flakë dhe para tij qëndronte një automjet betoniere.
Nga hetimet e kryera me qëllim zbardhjen e ngjarjes rezultoi se automjeti drejtohej nga shtetasi E. L., 25 vjeç dhe dyshohet se është përplasur me automjetin betoniere të drejtuar nga shtetasi Aleksandër Krrashi, 24 vjeç, i cili pas aksidentit ishte larguar nga vendi i ngjarjes.
Si pasojë e përplasjes dhe përfshirjes së automjetit nga flakët kanë ndërruar jetë drejtuesi i automjetit E. Laçi, 25 vjeç dhe 3 pasagjerët në mjetin e tij , E. Laçi, 20 vjeç, E. Kurti, 24 vjeç dhe A. Laçi, 22 vjeç. Në vijim të veprimeve u shoqërua për veprime të mëtejshme drejtuesi i automjetit betoniere shtetasi A. K, 24 vjeç“, njoftoi Policia.
Burimi

Ky lajmë ka
0 Komente