Kakavijë, policia greke ndalon një person me pasaportë të Kilit të vjedhur në Belgjikë

Një person është ndaluar nga policia greke mbrëmjen e së premtes në pikën e kalimit kufitar Kakavijë. Sipas burimeve, shtetasi i huaj, për të cilin nuk dihet nëse është shqiptar, pasi ka kaluar doganën e Republikës së Shqipërisë, është paraqitur në atë greke, duke dorëzuar një pasaportë të Kilit. Nga verifikimi në sistem, rezultoi se kjo pasaportë ishte denoncuar e humbur në Belgjikë. Menjëherë është vënë në pranga i dyshuari, ndërkohë që kanë nisur hetimet për arsyen pse ai mbante këtë pasaportë dhe qëllimin e hyrjes në Greqi me identitet fals./Epiruspost