Si u zbuluan talentet e Kombëtares shqiptare, Alarico Rossi i FSHF flet për “AS”

Shqipëria ka shfaqur një formë të shkëlqyer në Euro 2024 dhe mundësinë për të kualifikuar në fazën e 1/16 nuk e ka rastësia. Si në futboll, ashtu edhe në jetë, fati mund të japë një dorë, por rezultatet nuk janë të rastit, por të punës së palodhshme.
Spanja e di mirë këtë, siç e shpreh gazeta sportive spanjolle “AS”, duke analizuar përpjekjet e ekipit shqiptar. Ata zbuluan se një algoritëm i përshtatur me veçoritë e vendit dhe futbollin aktual ka ndihmuar Shqipërinë të gjejë dhe të angazhojë talentet më të mira.
“Diaspora shqiptare është një nga më të mëdhatë në Evropë, me shqiptarë që jetojnë nëpër vende të ndryshme, duke përfshirë Spanjën”, shkruan AS. “Kjo shpërngulje ka sjellë talent të freskët për futbollin, të cilët Shqipëria tani i identifikon dhe i integron në skuadrën kombëtare”.
Alarico Rossi, shefi i departamentit të skautëve në FSHF, ka përshkruar për AS metodën e tyre për rekrutimin e lojtarëve si Ivan Balliu, një shembull i suksesshëm nga Spanja, i cili tani luan për Rayo Vallecano.
“Ne mbërritëm në Shqipëri pas Kampionatit Evropian 2016 për të ndërtuar një ekip të ri. Gjendja ishte e vështirë, por ne e arritëm qëllimin tonë duke gjetur talentët e duhur për të përmirësuar skuadrën tonë kombëtare”, ka thënë Rossi.
Sistemi i përdorur nga FSHF për rekrutim është i sofistikuar, duke integruar informacionin në një bazë të të dhënave të gjithëpërfshirëse që e lejon ekipin të identifikojë dhe të propozojë lojtarët e potencialshëm për trajnerin.
“Ky sistem përfshin lojtarët në të gjitha ligat kryesore të Evropës dhe na ka ndihmuar të gjejmë lojtarë si Balliun në Spanjë”, shton AS.
Sot, Shqipëria do të përballet me Spanjën në një sfidë historike për të vazhduar aventurën e tyre në Euro 2024. Sistemi i rekrutimit ka bërë punën e tij për të sjellë talentet, tani është detyra e futbollistëve të tregojnë aftësitë e tyre në fushë.
gijotina.com/
Burimi