Shtohen infeksionet gjatë verës, Mjekja ORL: Mos e pastroni dyllin e veshëve

Stina e vërës shton infeksionet e veshit. Otorinolaringologia, Evis Bendo e ftuar në emisionin “Mirëmëngjes Shqipëri” në RTSH, tregoi gabimet që bëhen më shumti prej nesh duke shkaktuar kështu problem apo infeksione në vesh.
Mjekja e ORL-së thekson se është me shumë rëndësi mospastrimi i dyllit të veshit,  pasi duke e pastruar e nxjerrë të zbuluar ndaj faktorëve të jashtëm duke çuar në infeksion.
Po ashtu mjekja tha se uji i pishinave është më i predispozuar për të shkaktuar infeksion në veshin e jashtëm ndryshe nga uji i detit i cili bën pastrim të rrugëve të sipërme respiratore.
“Veshi ka tre pjesë të vetat atë të jashtëm, mesëm dhe të brendshëm dhe ajo që preket më shumë gjatë sezonit të verës është ai i jashtëm sepse është në kontakt të drejtpërdrejt me ujin dhe higjiena mund të jetë e dyshimtë në shumicën e rasteve.
Gabimi i parë nis kur kemi tendencën për të pastruar dyllin që krijohet në shtresën e jashtme duke e nxjerrë të zbuluar ndaj faktorëve të jashtëm. Po ashtu tendenca për ta pastruar, personi shtyn dyllin duke krijuar kështu bllokim të veshit dhe duke e lënë të hapur drejt infeksioneve.
Pas Covid vëmë re një rritje të infeksioneve të traktit të sipërm respirator dhe bllokimi i hundës është fillesa e një infeksioni të veshit të mesëm.
Këtë verë jam shtuar shumë infeksionet e veshit të mesëm.
Uji i pishinave është më i predispozuar për të shkaktuar infeksion në veshin e jashtëm. Ndërsa uji i detit bën pastrim të rrugëve të sipërme respiratore, të hundës dhe të fytit. Ky pastrim bën që mos të ndodhë ky bllokim dhe ndihmon në bllokim të fillesës së infeksionit të veshit të mesëm.
Veshi është organ vetëpastruar, duke e pastruar dyllin heqim barrierat mbrojtëse dhe e shtymë atë drejt zonave ku nuk mund të pastrohet. Dhe duke e shtyrë krijohet grumbullim për të cilën kërkohet ndërhyrja e mjekut”, tha mjekja ndërsa apelon që veshi vetëm të lahet dhe pastrohet nga pjesa e jashtme.
Burimi