Këlliçi thirrje Dumanit: Çfarë pret që nuk e arreston një plehrë dhe hajdut si Veliaj

Belind Këlliçi në protestën e 13-të përpara bashkisë së Tiranës, kërkoi dorëheqjen e kryebashkiakut Erion Veliaj.
Këlliçi paralajmëroi se të tjera dokumente “përvëluese” dhe të “nxehta” do të bëhen publike, për hajdutërinë e Veliajt dhe drejtorëve të korruptuar të tij
Në fjalën e tij, ai u shpreh se nuk do të tërhiqen dhe do të protestojnë derisa siç tha ai “Veliaj të largohet dhe të shkojë para drejtësisë”.
Pjesë nga fjalimi
Një mirënjohje e jashtëzakonshme për të gjithë qytetarët e Tiranës që vijnë në këtë protestë. E cila shënon një rekord evropian. Kjo është protesta e 13 që bëhet përpara zyrës së një kryebashkiaku në Europë, përpara zyrës së një hajduti  që jo vetëm ka hyrë në historinë e e këtij qyteti si hajduti më i madh i taksave dhe i votave që ka pasur ndonjëherë ky qytet, por me talljen që ai po i bën SPAK-ut, me poshtërimin që po i bën çdo ditë Altin Dumanit personalisht, ky njeri ka hyrë në historinë tonë si personi që ka shkelur me këmbë  dhe ka rrëzuar reformën në drejtësi.
Pse miqtë e mi? E dëgjuat para pak javësh të thotë që “takova kolegët e mi në SPAK”?! Në fakt, me sjelljen e tyre, Altin Dumani, Dritan Prençi, prokuroët e SPAK-ut, hetuesit e BKH, po tregojnë se janë punonjës të Ujësjellësit të Tiranës, të kanalizimeve dhe nuk janë prokurorë. Janë vartës të Erion Veliajt dhe nuk janë prokurorë. Çfarë prisni më shumë?!
Këtë javë keni parë sesi Erion Veliaj, paratë e taksapaguesve ia çon gruas së tij, ia çon dajës së gruas së tij. keni parë një kallëzim të ri nga ana e Partisë Demokratike për atë studimin e famshëm të IMC, që Veliaj paguan sot pothuajse trefishin e studimit të Bankës Botërore dhe… çfarë pret më Altin Dumani?!
Altin, dil deklaro! Ose lexon sahatin e ujit aty ku punon, ose je prokuror i shtetit. Ka 170 ditë, kryetari i opozitës që ndodhet në arrest pa fakte, pa prova, pa akuzë, ndërkohë, një bandit si Erion Veliaj, një hajdut ordiner, një plehrë shoqërore, një njeri që më 14 maj vjet krenohej me shtabin e tij elektoral.
Ku i ke sot, drejtuesit e fushatës, Erion Veliaj?!
Ku e ke Mariglen Qaton, Redi Mollën, Taulant Tushen, Eglantina Zëren? Ku e ke pjesën tjetër? Kacidhen ku e ke? Erion Rrapajn ku e ke? Ben Malokun ku e ke?!
Pa merak Ben Maloku. Bridhje gjykatave para dy javësh për të intimiduar gjyqtarët për vulën dhe logon e PD-së, po nga demokratët do ta marrësh përgjigjen.
I japim fjalën qytetarëve që ne nuk tërhiqemi, sado që të ketë presion. Ne këtu do jemi. PD nuk shitet, Sali Berisha nuk komprometohet, ne kësaj kauze do t’i shkojmë deri në fund. Sado të nxehta do jenë temperaturat, të nxehta dhe përvëluese do jenë dokumentet e reja. Nëse ka një tentativë të SPAK për të amnistuar Erion Veliajn, pa merak se kemi dokumente që ta mbajmë çështjen hapur sa të doni ju, ne këtë çështje nuk e dorëzojmë.
 
Burimi