Godet 15-vjeçaren tek vijat e bardha dhe largohet, policia në ndjekje të shoferit

Një aksident ka ndodhur mbrëmjen e sotme në lagjen “30-Vjetori” në qytetin e Beratit.
Një automjet që ishte duke qarkulluar me shpejtësi ka goditur një 15-vjeçare,e cila po kalonte në vijat e bardha dhe është larguar nga vendngjarja.
15-vjeçarja është transportuar drejt Spitalit Rajonal të Beratit,ku ndodhet nën kujdesin e mjekëve, ndërkohë që policia është vënë në kërkim të autorit të aksidentit.
Burimet policore konfirmojnë se po kontrollohen kamerat e sigurisë në vendin e aksidentit, me qëllim identifikimin e mjetit dhe autorit.
“Rreth orës 18:45, në rrugën “Antipatrea”, në lagjen “30 Vjetori”, një automjet i paindentifikuar, ka përplasur këmbësoren, shtetasen E. D., 37 vjeçe, banuese në Berat. 37-vjeçarja ndodhet në spital, jashtë rrezikut për jetën. Grupi hetimor nën drejtimin e Prokurorisë, po punon për indetifikimin e automjetit dhe drejtuesit të tij, kapjen e vënien në praga të autorit të aksidentit si dhe për përcaktimin e rrethanave dhe shkakut të aksidentit“, njoftoi policia.
Burimi