Dhunë ndaj ish-të dashurës dhe të dehur në timon, 6 të arrestuar në Tiranë

Policia e Tiranës ka arrestuar 6 persona në orët e fundit, pasi akuzohen për vepra të ndryshme penale.
Blutë e kryeqytetit kanë arrestuar 2 persona për përndjekje dhe dhunë ndaj ish-të dashurës. Gjithashtu, në pranga ra një person për vjedhje, një për ndërtim të paligjshëm dhe një tjetër, pasi ngiste makinën në gjendje të dehur dhe ka shkaktuar aksident në Mullet.
Njoftimi
Specialistët për Hetimin e Krimeve të Komisariatit të Policisë Nr. 2 ndaluan shtetasin B. D., 37 vjeç, banues në Tiranë, pasi dyshohet se ka përndjekur dhe ka ushtruar dhunë ndaj-ish të dashurës së tij.
Specialistët për Hetimin e Krimeve të Komisariatit të Policisë Nr. 3 arrestuan shtetasin E. Sh., 28 vjeç, banues në Tiranë, pasi dyshohet se ka ushtruar dhunë ndaj-ish të fejuarës së tij.
Përndoqi një grua, arrestohet 53-vjeçari në Maliq
Specialistët për Hetimin e Krimeve të Komisariatit të Policisë Nr. 4 ndaluan shtetasin S. T., 34 vjeç, banues në Tiranë, për veprën penale “Vjedhja”.
Specialistët për Hetimin e Krimeve të Komisariatit të Policisë Nr. 5 ndaluan shtetasin G. U., 44 vjeç, banues në Tiranë, për veprën penale “Ndërtimi i paligjshëm”.
Specialistët e Komisariatit të Policisë Rrugore Tiranë arrestuan shtetasit:
– F. T., 24 vjeç, banues në Tiranë, pasi u kap duke drejtuar pa leje drejtimi motomjetin;
– Y. K., 36 vjeç, banues në Tiranë, pasi ditën e djeshme, në “Mullet”, duke drejtuar në gjendje të dehur automjetin tip “Benz”, është përplasur me automjetin tip “Golf”, me drejtues shtetasin I. Xh., 42 vjeç. Si pasojë janë dëmtuar dy pasagjeret që ndodheshin në automjetin tip “Golf”, 10 dhe 15 vjeçe, të cilat ndodhen jashtë rrezikut për jetën.
Materialet i kaluan Prokurorisë për veprime të mëtejshme.
 
 
Burimi