Dhunë në futbollin zviceran, babai i sulmuesit shqiptar gjuan me çadër trajnerin e Zurich

Një skandal ka ndodhur në futbollin zviceran në ndeshjen e Kupës së Zvicrës mes Zug dhe Zurich-ut.
Skuadra e madhe zvicerane Zurich ka triumfuar me rezultat 2-0 në udhëtim, megjithatë shqiptarët kanë lënë shije të keqe në këtë sfidë.
Kjo sepse babai i sulmuesit Labinot Bajrami ka gjuajtur me çadër trajnerin holandez.
Babai i sulmuesit të talentuar, në minutën e 82-të, në shenjë pakënaqësie pasi trajneri e largoi nga ndeshja e gjuajti me çadër trajnerin Ricardo Moniz.

“Babai i Bajramit nervozohet, e fyen trajnerin dhe hedh çadrën në drejtim të tij”, kanë shkruar mediat zvicerane.

Pas disa minutash diskutimi, në të cilin u përfshi edhe presidenti i klubit, Ancillo Canepa, ndeshja vazhdoi.
Sipas klubit, zëvendësimi nuk kishte të bënte me performancën e tij, por me sjelljen e Bajramit ndaj trajnerit. Sulmuesi i talentuar kishte reaguar ndaj udhëzimeve të Moniz “me gjuhë shumë vulgare”.
 
j.l./ dita
Burimi