Burri plagos gruan me thikë në bark

Një ngjarje e rëndë është regjistruar në qytetin e Sarandës, ku një grua është plagosur me thikë nga bashkëshorti. Ngjarja ka ndodhur në lagjen nr.4 të qytetit bregdetar, ndërsa gruaja, e identifikuar si Miranda Budini është qëlluar me thikë në bark. Ajo është transportuar drejt spitalit të Sarandës ku mësohet se po merr ndihmën e parë dhe ndodhet jashtë rrezikut për jetën. Sakaq, policia po vijon kërkimet për kapjen e autorit.