Zjarret masive në Uashington, 60 mijë persona evakuohen dhe qindra ndërtesa shkrumbohen

Zjarre të fuqishme kanë përfshirë lindjen e shtetit Uashington, pranë qytetit Spokane, duke detyruar rreth 60 mijë banorë të largohen nga shtëpitë e tyre, ndërsa flakët kanë shkatërruar qindra ndërtesa. Sipas raportimeve, të paktën 600 banesa dhe biznese janë dëmtuar nga zjarret, të cilat janë përhapur me shpejtësi për shkak të erërave të forta, temperaturave të larta dhe kushteve të thata atmosferike. Tre vatra kryesore zjarri, të identifikuara si Old Trails, Fairview dhe Meadowview, vijojnë të jenë aktive, duke krijuar një situatë të vështirë për autoritetet dhe ekipet e emergjencës. Guvernatori i Uashingtonit ka shpallur gjendje emergjence, ndërsa zjarrfikës nga disa zona janë angazhuar për të luftuar flakët. Rreth 10 mijë persona kanë mbetur pa energji elektrike për shkak të dëmtimeve në rrjetin e furnizimit.