‘Sarajevo Safari’/ Austria nis hetim për dy ‘gjuetarë njerëzish’ në turneun e snajperëve gjatë Luftës së Bosnjës

Një hetim është duke u zhvilluar për 'Safari-n e Sarajevës', i cili dyshohet se kishte në shënjestër burra, gra dhe fëmijë gjatë Luftës së Bosnjës në vitet 1990. Austria po heton dy persona të dyshuar se kanë paguar shuma të mëdha parash për të qëlluar njerëz gjatë rrethimit të Sarajevës në vitet 1990. Dy të dyshuarit besohet se kanë marrë pjesë në “Sarajevo Safari”, i cili mblodhi gjuetarë të pasur evropianë të cilët paguanin për të qëlluar burra, gra dhe fëmijë nga pozicionet e snajperëve serbë mbi qytet. “Një hetim u hap më 25 prill kundër një shtetasi austriak dhe një individi tjetër ende të paidentifikuar, në lidhje me pjesëmarrjen e mundshme në të ashtuquajturat ‘turne snajperësh’ në Sarajevë gjatë Luftës së Bosnjës”, tha të...