Greqia kërkon të frenojë turizmin masiv pas 38 milionë vizitorëve vitin e kaluar

Qeveria greke prezantoi të hënën një program që synon frenimin e turizmit masiv në vendet e njohura, pasi banka qendrore raportoi pothuajse 38 milionë vizitorë vitin e kaluar. Ministrja e Turizmit Olga Kefalogianni tha në një konferencë për shtyp se qëllimi ishte një model turizmi më i qëndrueshëm me ndikim më të ulët në mjedis, plazhe dhe infrastrukturë. Ministri i Mjedisit Stavros Papastavrou e përshkroi programin si një "reformë historike". Rajonet do të ndahen sipas ndikimit të turizmit, me ishujt e njohur për pushime si Rodosi, Kosi, Santorini dhe Mykonosi, që do t'i nënshtrohen kushteve më të rrepta për ndërtim. Hotelet e reja në rajonet ishullore të prekura rëndë, do të lejohen të kenë maksimumi 100 shtretër. Ky veprim erdhi pasi banka qendrore raportoi një...