Përmbytjet dhe rrëshqitjet e dheut në Filipine, 19 të vdekur dhe 2.27 milionë të prekur

Numri i viktimave u rrit në 19 në Filipine të martën, si pasojë e përmbytjeve dhe rrëshqitjeve të dheut të shkaktuara nga musoni jugperëndimor dhe ciklonet tropikale Luis dhe Kujira. Këshilli Kombëtar për Reduktimin dhe Menaxhimin e Rrezikut nga Fatkeqësitë raportoi gjithashtu se katër persona rezultojnë të zhdukur, sipas The Philippine Daily Inquirer. Të paktën 2.27 milionë njerëz u prekën nga moti i rënduar. Më shumë se 94,990 njerëz aktualisht po strehohen në 919 qendra evakuimi në të gjithë rajonet e prekura. Të paktën 684 shtëpi u raportuan të dëmtuara, përfshirë 45 që u shkatërruan plotësisht. Vlera totale e dëmeve në infrastrukturë tani arrin në 1.45 miliardë pesos (23 milionë dollarë), ndërsa dëmet në bujqësi vlerësohen në 135.33 milionë pesos./AA