Pak ditë pas vizitës së Trump, Putin drejt Kinës me ftesë të Xi Jinping

Presidenti rus Vladimir Putin do të vizitojë Pekinin me ftesë të presidentit Xi Jinping më 19-20 maj, njoftoi Kremlini. Udhëtimi i Putinit do të përkojë me 25-vjetorin e Traktatit të Fqinjësisë së Mirë dhe Bashkëpunimit Miqësor midis Rusisë dhe Kinës, i cili shërben si bazë për marrëdhëniet midis dy vendeve. Sipas njoftimit nga Kremlini, Putin dhe Xi “do të diskutojnë çështjet aktuale, mënyrat për të forcuar më tej bashkëpunimin strategjik dhe do të shkëmbejnë pikëpamje mbi çështjet kryesore ndërkombëtare dhe rajonale”. Gjatë vizitës Putin do të diskutojë gjithashtu bashkëpunimin ekonomik dhe tregtar me kryeministrin kinez Li Qiang. Udhëheqësi rus vizitoi Kinën për herë të fundit në vitin 2025, kur nënshkroi disa marrëveshje me Xi që forcuan lidhjet ekonomike në fusha të tilla si energjia dhe...