Grabitje spektakolare në muzeun e Vjenës, vidhet gjerdani me 673 diamante i Mbretëreshës Nazli

Mbretëresha Nazli e Egjiptit (gjerdani) VJENË-Gjerdani me diamante i Mbretëreshës Nazli të Egjiptit është vjedhur nga një muze në Vjenë. Mediat e huaja shkruajnë se varsja ishte e ekspozuar në një ekspozitë bizhuterish në Muzeun e Arteve të Aplikuara (MAK). Ajo është prodhuar nga Van Cleef & Arpels dhe përmban 673 diamante që peshojnë më shumë se 200 karat. Grabitja ndodhi një ditë më parë rreth orës 14:00 në prani të vizitorëve të ekspozitës. Hajdutët thyen një vitrinë prej xhami përpara se të largoheshin nga muzeu në drejtim të paditur.  Gjerdani dikur i përkiste Mbretëreshës Nazli të Egjiptit, e cila ishte bashkëshortja e Mbretit Fuad I të Egjiptit nga viti 1919 deri në vdekjen e tij në vitin 1936. Ata patën pesë fëmijë së bashku, përfshirë Mbretin...