“BBC Wildlife”: Zbulim i rrallë në brigjet e Shqipërisë, 151 specie jetojnë në rrënojat e anijes “Po”

Një anije spitalore e Luftës së Dytë Botërore, e mbytur në vitin 1941 në brigjet e Shqipërisë, është shndërruar dekada më vonë në një ekosistem të pasur nënujor, sipas medias britanike “BBC Wildlife”. Studiuesit kanë zbuluar 151 specie që jetojnë në dhe përreth rrënojave të saj, përfshirë edhe fokën mesdhetare, një nga gjitarët më të rrallë dhe më të rrezikuar të Mesdheut. Zbulimi i specieve dëshmon rëndësinë ekologjike të këtij ekosistemi nënujor, i cili është shndërruar në strehë për një biodiversitet të pasur. Prania e fokës mesdhetare e rrit edhe më tej vlerën e këtij habitati dhe nënvizon nevojën për mbrojtjen e tij. Zhytësit zbritën në rrënojat e anijes dhe zbuluan një gjitar të rrallë mes tyre. Anija e mbytur, 135 metra e gjatë, është...