I akuzuar për vrasje 25 vite më parë, arrestohet në Shqipëri shtetasi nga Kosova

Është kapur dhe arrestuar me qëllim ekstradimin në Kosovë, 1 shtetas në kërkim ndërkombëtar të cilin Gjykata e Pejës e ka dënuar me 11 vjet e 6 muaj burgim, për veprën penale “Vrasja”. Nga dënimi i kanë mbetur për të kryer 9 vjet e 8 muaj. I arrestuar është shtetasi nga Kosova, A.A., i cili akuzohet se rreth 25 vite më parë ka kryer një vrasje në Kosovë për hakmarrje. Mësohet se në dokumentet që ai përdorte kishte emra të tjerë, N.M. dhe D.D.