Aksident me vdekje në aksin Korçë-Bilisht, makina përplas këmbësorin, ndërron jetë 62-vjeçari

Një aksident me pasojë vdekjen e një 62-vjeçari është regjistruar pasditen e sotme në aksin rrugor Korçë-Bilisht. Sipas informacioneve paraprake, një automjet ka përplasur një këmbësor në fshatin Tren, në Bashkinë Devoll. I plagosuri është transportuar menjëherë drejt spitalit për të marrë ndihmën mjekësore, por fatkeqësisht nuk ka mundur t’u mbijetojë plagëve të marra. Në vendngjarje kanë mbërritur shërbimet e Policisë, të cilat po kryejnë veprimet procedurale dhe po punojnë për zbardhjen e plotë të rrethanave të aksidentit.