Detaje nga vrasja e 40-vjeçarit në Dukagjin, u qëllua me 25 plumba, dyshohet për gjakmarrje

Një breshëri prej 25 plumbash automatiku, të qëlluar nga e njëjta armë, i mori jetën 40-vjeçarit Aleksandër Koçeku në zonën e Karmës së Kirit, në aksin malor Kir-Prekal. Vrasja u krye në një segment rrugor me lëvizje shumë të pakta automjetesh dhe pa kamera sigurie, një vend që, sipas rrethanave të deritanishme, duket se ishte zgjedhur me kujdes nga autorët për të minimizuar rrezikun e dështimit të atentatit. Gazetari i Top Channel, Klodian Zhivani, raporton se hetimet e para janë përqendruar te pista e gjakmarrjes, ndërsa familjarët thonë se viktima jetonte nën kërcënimin e hakmarrjes që prej vitit 2017. Koçeku u gjet i pajetë brenda automjetit të tij nga një kalimtar i rastësishëm, i cili njoftoi policinë. Sipas grupit hetimor, autori ose autorët i kishin...