ADN-ja në mbështjellësin mbrojtës zbulon autorët, rikuperohen dy piktura të vjedhura të Renoir

Dy piktura të piktorit të njohur francez Pierre-Auguste Renoir, të vjedhura më 8 shtator nga Muzeu Renoir në Cagnes-sur-Mer, në Rivierën Franceze, janë rikuperuar nga policia, ndërsa hetimet kanë zbuluar dyshime për përgatitjen e një tjetër grabitjeje të veprave të artit. Katër persona janë ngarkuar paraprakisht me akuza në kuadër të hetimeve për vjedhjen, bëri të ditur të hënën prokurori i Marsejës, Nicolas Bessone. Akuzat përfshijnë vjedhje të kryer nga grup i organizuar dhe pjesëmarrje në organizatë kriminale. Veprat e rikuperuara janë “Portreti i zonjës Colonna Romano” dhe “Vajza e re te pusi”, me një vlerë të përbashkët të vlerësuar në rreth 4.7 milionë dollarë. E para ka pësuar një çarje, ndërsa e dyta ka dëmtime të lehta në kornizë. Sipas hetuesve, autorët kishin prerë...