Vrasja e Klodian Rashës nga policia, Kryemadhi zbulon bisedën me Yuri Kim: Më kërkoi të tërhiqja të rinjtë nga protesta

Deputetja e Partisë së Lirisë, Monika Kryemadhi ka rrëfyer për një bisedë telefonike me ish-ambasadoren amerikane Yuri Kim, ku bëri dhe një deklaratë të fortë. Në një intervistë për A2CNN, Kryemadhi ka treguar se telefonata është zhvilluar në kohën e protestave pas vrasjes së Klodian Rashës nga një efektiv policie në dhjetor të vitit 2020. Deputetja është shprehet se ish-ambasadorja i ka kërkuar që të tërhiqte të rinjtë nga këto protesta, kërkesë të cilën Kryemadhi tha se nuk e pranoi. “Rastin e Klodian Rashës besoj e mbani mend se çfarë u bë. Dhe më ka marrë Yuri Kim në telefon dhe më ka thënë tërhiqi të rinjtë nga protesta se ndryshe nuk të vij në Jalë. Po kush të ka ftuar ty moj zonjë. Pse...