Aksident në Shkodër, slloveni përplas me makinë për vdekje 68-vjeçaren

Një 68-vjeçare e identifikuar me inicialet P.L. ka humbur jetën në një aksident të ndodhur pasditen e sotme në  rrugën Shkodër – Hani i Hotit. Policia bën me dije se 68-vjeçarja ka qenë duke lëvizur në këmbë kur është përplasur nga një makinë që drejtohej nga një shtetas slloven. Drejtuesi i automjetit shtetasi K. J., është shoqëruar në Komisariat për veprime të mëtejshme. Grupi hetimor po punon për sqarimin e rrethanave të aksidentit.