Trump bisedë të tensionuar me Netanyahun pas sulmit izraelit në Katar: Ishte i pamenduar/ Kryeministri izraelit: Kisha vetëm një…

Donald Trump zhvilloi një telefonatë të tensionuar me kryeministrin izraelit Benjamin Netanyahu pasi Izraeli kreu një sulm ajror që kishte në shënjestër udhëheqësit e Hamasit në Katar, sipas Wall Street Journal. Trump i tha Netanyahut të martën se vendimi për të goditur brenda territorit të një aleati të ngushtë të SHBA-ve ishte “i pamenduar”. Netanyahu thuhet se u përgjigj se kishte një dritare të shkurtër veprimi dhe e shfrytëzoi atë, raportoi gazeta, duke cituar zyrtarë të lartë amerikanë. Një telefonatë e dytë po atë ditë ishte më e përzemërt, me Trump që pyeti nëse operacioni kishte pasur sukses. Izraeli kreu sulmin në Doha në përpjekje për të vrarë udhëheqësinë politike të Hamasit. Grupi tha se figurat e tij kryesore mbijetuan, megjithëse pesë persona u vranë,...